Biyl 15,1 mln gektar alqap orylyp, 19,1 mln tonna dándi jáne burshaq daqyly bastyryldy, dep habarlaidy "Ult aqparat" QR Aýyl sharýashylyǵy ministrligine silteme jasap.
Aldyn ala boljamǵa sáikes, ótken jylǵy azyq-túlik bidaiynyń aýyspaly qaldyǵy eskerile otyryp, kelesi eginge deiin úlestiriletin kólem 14,9 mln. tonnany qurady. Onyń shamamen 5,9 mln. tonnasy (tuqym, jemshóp, ónerkásiptik óńdeý) ishki tutynýǵa paidalanylady, eksporttyq áleýeti shamamen 6,0 - 7 mln. tonnany quraidy.
QR Ulttyq ekonomika ministrliginiń Statistika jónindegi komitetiniń málimetteri boiynsha, 2019 jylǵy 15 qyrkúiektegi jaǵdai boiynsha astyq qabyldaý kásiporyndarynda 5,1 tonna astyq bar, sonyń ishinde «Azyq-túlik kelisim shart korporatsiiasy» AQ-nyń 350 myń tonna astyǵy bar.
Sondai-aq, Azyq-túlik korporatsiiasy 300-350 myń tonnaǵa deiin astyq satyp alady. Óńirlerdegi kásiporyndardaǵy unnyń ailyq qory 178,0 myń tonnany quraidy. Osylaisha, respýblikada astyq pen un qory boiynsha jaǵdai turaqty. Resmi statistikaǵa sáikes, «áleýmettik nan» dep atalatyn birinshi suryptaǵy bidai unynan jasalǵan nannyń respýblikalyq ortasha baǵasy bir bólke úshin 76,5 teńgeni quraidy. Áleýmettik nannyń baǵasy kóterilmeidi.
