بيىل 15,1 ملن گەكتار القاپ ورىلىپ, 19,1 ملن توننا دەندٸ جەنە بۇرشاق داقىلى باستىرىلدى, دەپ حابارلايدى "ۇلت اقپارات" قر اۋىل شارۋاشىلىعى مينيسترلٸگٸنە سٸلتەمە جاساپ.
الدىن الا بولجامعا سەيكەس, ٶتكەن جىلعى ازىق-تٷلٸك بيدايىنىڭ اۋىسپالى قالدىعى ەسكەرٸلە وتىرىپ, كەلەسٸ ەگٸنگە دەيٸن ٷلەستٸرٸلەتٸن كٶلەم 14,9 ملن. توننانى قۇرادى. ونىڭ شامامەن 5,9 ملن. تونناسى (تۇقىم, جەمشٶپ, ٶنەركەسٸپتٸك ٶڭدەۋ) ٸشكٸ تۇتىنۋعا پايدالانىلادى, ەكسپورتتىق ەلەۋەتٸ شامامەن 6,0 - 7 ملن. توننانى قۇرايدى.
قر ۇلتتىق ەكونوميكا مينيسترلٸگٸنٸڭ ستاتيستيكا جٶنٸندەگٸ كوميتەتٸنٸڭ مەلٸمەتتەرٸ بويىنشا, 2019 جىلعى 15 قىركٷيەكتەگٸ جاعداي بويىنشا استىق قابىلداۋ كەسٸپورىندارىندا 5,1 توننا استىق بار, سونىڭ ٸشٸندە «ازىق-تٷلٸك كەلٸسٸم شارت كورپوراتسيياسى» اق-نىڭ 350 مىڭ توننا استىعى بار.
سونداي-اق, ازىق-تٷلٸك كورپوراتسيياسى 300-350 مىڭ تونناعا دەيٸن استىق ساتىپ الادى. ٶڭٸرلەردەگٸ كەسٸپورىندارداعى ۇننىڭ ايلىق قورى 178,0 مىڭ توننانى قۇرايدى. وسىلايشا, رەسپۋبليكادا استىق پەن ۇن قورى بويىنشا جاعداي تۇراقتى. رەسمي ستاتيستيكاعا سەيكەس, «ەلەۋمەتتٸك نان» دەپ اتالاتىن بٸرٸنشٸ سۇرىپتاعى بيداي ۇنىنان جاسالعان ناننىڭ رەسپۋبليكالىق ورتاشا باعاسى بٸر بٶلكە ٷشٸن 76,5 تەڭگەنٸ قۇرايدى. ەلەۋمەتتٸك ناننىڭ باعاسى كٶتەرٸلمەيدٸ.
