Foto: Halyq Uni
Almaty oblysyndaǵy aýrýhanany basqarǵan kompaniianyń basshysy men esepshisi ózderine baǵynyshty uiymdardan meditsinalyq buiymdardy kórineý jalǵan satyp alǵan, - dep habarlaidy "Ult aqparat" Qarjylyq monitoring agenttigine silteme jasap.
Vedomstvo baspasóz qyzmetiniń málimetinshe, QMA aýmaqtyq departamenti asa iri mólsherde urlyq jasady degen kúdik boiynsha tergeý júrgizip jatyr.
Aita keteiik, meditsinalyq mekeme 2020 jyldyń qazanda senimgerlik basqarýǵa berilgen.
"2020-2022 jyldar aralyǵynda Áleýmettik meditsinalyq saqtandyrý qorynan bólingen 2,1 milliard teńgeden astam qarajat urlanǵan.
Atalǵan tulǵalarǵa qatysty qamaýǵa alý túrindegi bultartpaý sharasy qoldanyldy. Tergeý jalǵasyp jatyr", - delingen habarlamada.
QR QPK-niń 201-babyna sáikes ózge de aqparat jariialaýǵa jatpaidy.
QR Konstitýtsiiasynyń 77-babynyń 3-tarmaǵynyń 1-tarmaqshasyna jáne QR Qylmystyq-protsestik kodeksiniń 19-babynyń 1-bóligine sáikes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deiin árkim kinásiz dep esepteledi.
