Áleýmettik meditsinalyq saqtandyrý qory ákimshilik shyǵynnan únemdelgen qarajatty meditsinalyq kómekke baǵyttaǵan, dep habarlaidy "Ult aqparat".
Bul týraly qordyń basqarma tóraǵasy Bolat Tókejanov Ortalyq kommýnikatsiialar qyzmetinde aitty.
«Byltyr biz 1 mlrd teńgeden astam ákimshilik shyǵyndardy ońtailandyrdyq. Qarajat meditsinalyq kómekke baǵyttaldy. Atap aitqanda, PR deimiz, baspasóz qyzmeti jaǵyna, issaparlarǵa, ǵimarat jaldaýǵa qarastyrylǵan shyǵyndardyń bárin qaitadan qarap, ońtailandyryp, únemdelgen qarajattyń bárin meditsinalyq kómekke baǵyttadyq», - dedi qordyń basshysy.
