Qazaqstanda áleýmettik mańyzy bar azyq-túlik taýarlary 0,6%-ǵa qymbattaǵan. Bul týraly QR Saýda jáne integratsiia ministrligi saýda komitetiniń tóraǵasy Erjan Qazanbaev aitty, dep habarlaidy QazAqparat.
Onyń aitýynsha, Saýda jáne integratsiia ministrligi áleýmettik mańyzy bar azyq-túlik baǵalarynyń monitoringi boiynsha turaqty jumys júrgizedi.
Monitoringtiń negizgi kanaldary – statistika men fiskaldyq derekter operatorlarynyń derekteri.
«Ulttyq statistika biýrosynyń derekteri boiynsha, ótken aptada áleýmettik mańyzy bar azyq-túlik taýarlarynyń baǵasy 0,2%-ǵa ósti. Bárinen buryn qyryqqabat 1,6%-ǵa, qant 0,6%-ǵa jáne kartop 0,5%-ǵa qymbattady. Óńirler ishinde bir apta ishinde baǵanyń eń joǵary ósýi Mańǵystaý oblysynda 0,8%-ǵa, Qostanai jáne Qyzylorda oblystarynda 0,4%-ǵa jol berilgen. Fiskalyq derekter operatorlarynyń málimetteri boiynsha, bir aptadaǵy baǵa 0,6%-ǵa ósken», - dedi spiker Ortalyq kommýnikatsiialar qyzmetinde ótken baspasóz máslihatynda.
12 naýryzda Premer-Ministrdiń orynbasary – QR Saýda jáne integratsiia ministri Baqyt Sultanovtyń basshylyǵymen áleýmettik mańyzy bar azyq-túlik máseleleri boiynsha keńes ótken.
Onda barlyq óńirlerge, onyń ishinde baǵalardyń barynsha ósýine jol bergen óńirlerge naqty tapsyrmalar berilgen.
Budan basqa, jetkilikti atqarýshy organdar birlesip azyq-túliktiń árbir ataýy boiynsha baǵalardy baqylaý, onyń ishinde saýda sýbektileriniń ruqsat etilgen saýda ústemesin saqtaýyn baqylaý jumystary turaqty júrgiziledi.
Básekelestikti qoldaý jáne damytý agenttiginde de baǵalardy baqylaý boiynsha jumystar júrgizilýde.
«Qazirgi ýaqytta Qostanai, Qaraǵandy, Aqmola, Pavlodar, Soltústik Qazaqstan, Mańǵystaý oblysynda jáne Almatyda áleýmettik mańyzy bar azyq-túlik baǵalaryn arttyrý boiynsha básekelestikke qarsy is-qimyl belgileri boiynsha buryn bastamashylyq jasalǵan 7 tergep-tekserý jumystary jalǵasýda. Básekelestikti qorǵaý salasyndaǵy zańnamany buzýǵa jol bermeý jónindegi monopoliiaǵa qarsy komplaenstiń 7 aktisi, sondai-aq olardy iske asyrý kezinde áleýmettik mańyzy bar azyq-túlikke saýda ústemesin 15-ten 10%-ǵa deiin tómendetý bóliginde jasaldy. Tiisti sharalar qabyldai otyryp, baǵa belgileýdiń búkil tizbegi boiynsha deldaldyq shemalardy tekserý jónindegi óńirlik komissiialardyń jumysy kúsheitildi», - dedi E. Qazanbaev.
