Áleýmettik qyzmetter portalyn (ári qarai – portal) iske qosqan aǵymdaǵy jyldyń basynan beri, ol arqyly múgedektigi bar adamdar úshin 21, 3 myń ońaltýdyń tehnikalyq quraly (ári qarai – OTQ) berildi, dep habarlaidy "Ult aqparat" QR Eńbek jáne halyqty áleýmettik qorǵaý ministrliginiń baspasóz qyzmeitne silteme jasap.
Portal múgedektigi bar adamdarǵa OTQ óndirýshi men jetkizýshini óz betinshe tańdaýǵa múmkindik beredi. Kómektiń kepildik berilgen túrine tapsyrys berý elektrondyq tsifrlyq qoltańba arqyly júzege asyrylady. Tapsyrys berilgen OTQ-ny jetkizý arqyly nemese óz betinshe alyp ketýge bolady.
Qazirgi ýaqytta portalda OTQ-nyń 55 túriniń 24-i qoljetimdi. Olardy jeke tańdaý qajet emes. OTQ-nyń jeke tańdap berýdi qajet etetin qalǵan túrleri 2021 jyly portalǵa aýystyrylatyn bolady.
Qazan aiynda portal arqyly jeke kómekshiler men ymdaý tili mamandarynyń qyzmetterine tapsyrys berý, sondai-aq sanatorlyq-kýrorttyq emdeý mekemesin tańdaý boiynsha fýnktsiol pilottyq rejimde iske qosyldy. Aǵymdaǵy jylǵy 2 qarashadaǵy jaǵdai boiynsha jeke kómekshiniń qyzmetterine 47, ymdaý tili mamanynyń qyzmetterine 44 jáne sanatorlyq-kýrorttyq emdeýge 15 tapsyrys jasalǵan.
Múgedektigi bar adamdardy ońaltý quraldarymen qamtamasyz etý protezdik-ortopediialyq, sýrdotehnikalyq, tiflotehnikalyq jáne gigienalyq quraldardy, sondai-aq kreslo-arbalardy usynýdy qamtidy.
Eske sala keteiik, elektrondyq resýrs múgedektigi bar adamdardy qajetti qyzmettermen jáne jetkizýshiden tikelei OTQ-men qamtamasyz etý maqsatynda ázirlengen.
Qazirgi ýaqytta portalda 772 jetkizýshi tirkelgen, onyń 25-i OTQ usynady. 747 uiym arnaiy áleýmettik qyzmetter kórsetetin bolady. Ministrlik jetkizýshilerdiń sanyn arttyrý boiynsha belsendi jumys júrgizýde.
«Áleýmettik qyzmetter portaly» avtomattandyrylǵan aqparattyq júiesin engizý Múgedektigi bar adamdardyń quqyqtaryn qamtamasyz etý jáne ómir súrý sapasyn jaqsartý jónindegi ulttyq jospar sheńberinde kózdelgen.
1411 nómiri boiynsha koll-ortalyqtan portaldy paidalaný boiynsha konsýltatsiia alýǵa bolady.
