Shynyn aitý kerek, bizdiń elde áleýmettik qyzmet kórsetýdiń álegi kóp. Máseleniń mánine tereń boilasaq, memlekettik áleýmettik saiasattaǵy atqarylyp jatqan jumystardyń áli tolyq júiege túspeýi negizge faktor bolady. Áleýmettik jumys - kásibi áleýmettik jumystyń institýtsionaldyq formasy. Árine, áleýmettik qyzmetter kún sanap bolmasa da, jyl saiyn keńinen damyp keledi. Jedel ári sapaly qyzmet jolyna birtindep qadam basyp keledi.
Áleýmettik qyzmet kórsetý júiesindegi túbegeili ózgerister 2009 jyly «Arnaýly áleýmettik qyzmetter týraly» Qazaqstan Respýblikasy Zańynyń qabyldanýymen bastaý aldy.
Memlekettik qyzmettiń bir synalar tusy áleýmettik qyzmettiń ainalasynda bolady desek qatelespespiz. Sebebi, áleýmettik qyzmetti jii tutynatyn halyqtyń kóńiline tier jaǵdaidyń oryn almaýy áste mańyzdy. Eger qarapaiym halyq qalaǵan qyzmetin laiyqty deńgeide ala almasa, ózge dúnie týraly sóz qozǵaýdyń qajeti shamaly. Memleket basshysy dástúrli Joldaýynda halyqqa sapaly áleýmettik qyzmet kórsetý isin tilge tiek etkeni de sodan.
Áleýmettik qyzmet kórsetý júiesin jaqsartý boiynsha áleýmettik qyzmetter portalyn iske qosý qolǵa alynbaq. Bul joba biylǵy jyldyń qyrkúiek aiynda óz jumysyn bastaidy dep josparlanýda. Portalda kópshiliktiń jeke qajettiligine bailanysty qyzmetterdi óz betinshe tańdaý múmkindigi qarastyrylady.
Bilim jáne ǵylym, Eńbek jáne halyqty áleýmettik qorǵaý, Densaýlyq saqtaý, Ishki ister ministrlikteri sekildi áleýmettik qyzmet kórsetý júiesin jetildirýge jaýapty organdar ózara bailanysyn jaqsartý arqyly áleýmettik qyzmet kórsetýdiń integratsiialanǵan modelin iske qosýǵa múddeli. Atalmysh bastama qyzmetterdi «bir tereze» qaǵidaty arqyly júzege asyrýǵa múmkindik syilaidy.
Osylaisha, áleýmettik jumys jónindegi ulttyq resýrs ortalyǵy áleýmettik saladaǵy qyzmetkerlerdiń áleýmetin arttyryp, atalǵan qyzmet ielerin kásibi túrde ádistemelik qoldaý kórsetý, sondai-aq jańa jetistikterdi modeldep, aimaqtardaǵy jańa qyzmetterdiń pilottyq jobasyn iske asyrý sekildi mindetterdi júzege asyrýdy kózdeidi.
Árine, bul jobalar keń aýqymdy aqparattyq-túsindirý jumystaryn qajet etedi. Internet júiesi damyǵan zamanda aqparattyń halyqqa qol jetimdi bolýy zańdy ári ádiletti. Áleýmettik qyzmet túrlerin tsifrlandyrý arqyly telefon nemese kompiýtermen tiimdi paidalýy jumystary júrip jatyr. Eger kózdelgen maqsat oryndalyp, óz jemisin berse, qajetti qyzmetin ala almai áýre-sarsańǵa túsken kópshilik qýanyshqa keneleri sózsiz. Tehnikanyń tiimdiligin igerip, álemdik jetistikterdi óz qyzmetimizge paidalaný elimiz úshin de eleýli úles bolary anyq.
.jpeg)