Ataýly áleýmettik kómekti zańsyz alǵan 73 azamat memleketke 156 mln teńge qaitardy. Bul týraly búgin Úkimet otyrysynda QR Eńbek jáne halyqty áleýmettik qorǵaý ministri Birjan Nurymbetov aitty, dep habarlaidy "Ult aqparat".
«2018 jyly biz ataýly áleýmettik kómekti taǵaiyndaý úshin tabysqa qoiylatyn ólshemshartty alǵash ret eń tómengi kúnkóris deńgeiiniń 40 paiyzdan 50 paiyzyna deiin kóterip ózgertken bolatynbyz. Osy jyldyń 1 sáýirinen bastap kedeishilik shegi 50-den 70 paiyzǵa deiin ósti. Sondai-aq, tabysy tómen otbasynyń árbir balasyna ataýly áleýmettik kómek naqty 20 789 teńge mólsherinde belgilendi. Shartsyz aqshalai kómekti taǵaiyndaý merzimi úsh aidan 6 aiǵa deiin, sharty aqshalai kómek 6 aidan 12 aiǵa deiin uzartylǵan bolatyn», - dedi ol.
Ministrdiń dereginshe, osy jyldyń 9 aiynda AÁK 417 myń tobasyna nemese 2 mln 138 myń adamǵa taǵaiyndaldy. Barlyq alýshylardyń jarysynan astamy kópbalaly otbasylar sanalady. Biýdjette AÁK-ke 206 mlrd teńge kózdelgen.
«Bul sharalar bir jaǵynan kómekke muqtaj jandar memleketten naqty qoldaý alyp, kóp otbasy tabysy tómen otbasylar sanatynan shyǵýyna yqpal etti. Ekinshi jaǵynan ókinishke orai, jekelegen azamattar ataýly áleýmettik kómektiń keńeitilgen múmkindikterin teris paidalanǵan faktiler boldy. Mysaly, AÁK-ti taǵaiyndaý kezinde 73 myńnan astam januia óz tabystaryn jasyryp, AÁK zańsyz taǵaiyndalǵany anyqtaldy. Ol boiynsha qoldanystaǵy zańnamaǵa sáikes jergilikti atqarýshy organdar is júzinde barlyq jaǵdaidy pysyqtap, nátijesinde búginde memleketke 156 mln teńge qaitarylyp otyr», - dedi Birjan Nurymbetov.
