Aqtóbede 160-myńnan astam adam 42 500 teńge aldy. Qazir taǵy myńdaǵan adamnyń ótinishi qaralyp jatyr, dep habarlaidy QazAqparat tilshisi.
Tótenshe jaǵdai kezinde jumysynan aiyrylǵan Aqtóbe oblysynyń turǵyndary 42 500 teńgege ótinish berip jatyr. Olardyń arasynda kópbalaly analar, aqysyz demalysqa shyqqandar bar.
«Men I top múgedegimin. Tótenshe jaǵdaiǵa bailanysty memleket kómek berdi. Sol qoldaýdy sezinip, aqshalai kómek aldym. Qazir saqtyq sharasy kúsheiip, el barynsha oqshaýlandy, úide otyr», - dedi Oiyl aýdanynyń turǵyny Gúlsim Elekbaeva.
Al shalqarlyq Aigerim Aldanov múmkindigi shekteýli balasyn baǵyp, bar kútimin jasap otyr.
«Men 16 jasqa deiingi múmkinshiligi shekteýli balanyń anasymyn. Balama memleket tarapynan júieli túrde járdemaqy alamyn. Tótenshe jaǵdaiǵa bailanysty biz siiaqty otbasylarǵa memleket tarapynan áleýmettik qoldaý retinde kómek kórsetilip jatqanyna sheksiz rizashylyǵymyzdy bildiremiz. Osyndai syn saǵatta berilip jatqan kómek bizge úlken qamqorlyq dep bilemiz. Elimiz buǵan deiin kóptegen qiynshylyqtardy basynan ótkerdi. Olardyń qai qaisysyn da bereke - birliktiń, aýyzbirshiliktiń arqasynda jeńe bildi. Egemen elimiz bul jaǵdaidan da aman - esen shyǵatynyna nyq senimmen aita alamyn», - dedi ol.
