اقتٶبەدە 160-مىڭنان استام ادام 42 500 تەڭگە الدى. قازٸر تاعى مىڭداعان ادامنىڭ ٶتٸنٸشٸ قارالىپ جاتىر, دەپ حابارلايدى قازاقپارات تٸلشٸسٸ.
تٶتەنشە جاعداي كەزٸندە جۇمىسىنان ايىرىلعان اقتٶبە وبلىسىنىڭ تۇرعىندارى 42 500 تەڭگەگە ٶتٸنٸش بەرٸپ جاتىر. ولاردىڭ اراسىندا كٶپبالالى انالار, اقىسىز دەمالىسقا شىققاندار بار.
«مەن ٸ توپ مٷگەدەگٸمٸن. تٶتەنشە جاعدايعا بايلانىستى مەملەكەت كٶمەك بەردٸ. سول قولداۋدى سەزٸنٸپ, اقشالاي كٶمەك الدىم. قازٸر ساقتىق شاراسى كٷشەيٸپ, ەل بارىنشا وقشاۋلاندى, ٷيدە وتىر», - دەدٸ ويىل اۋدانىنىڭ تۇرعىنى گٷلسٸم ەلەكباەۆا.
ال شالقارلىق ايگەرٸم الدانوۆ مٷمكٸندٸگٸ شەكتەۋلٸ بالاسىن باعىپ, بار كٷتٸمٸن جاساپ وتىر.
«مەن 16 جاسقا دەيٸنگٸ مٷمكٸنشٸلٸگٸ شەكتەۋلٸ بالانىڭ اناسىمىن. بالاما مەملەكەت تاراپىنان جٷيەلٸ تٷردە جەردەماقى الامىن. تٶتەنشە جاعدايعا بايلانىستى بٸز سيياقتى وتباسىلارعا مەملەكەت تاراپىنان ەلەۋمەتتٸك قولداۋ رەتٸندە كٶمەك كٶرسەتٸلٸپ جاتقانىنا شەكسٸز ريزاشىلىعىمىزدى بٸلدٸرەمٸز. وسىنداي سىن ساعاتتا بەرٸلٸپ جاتقان كٶمەك بٸزگە ٷلكەن قامقورلىق دەپ بٸلەمٸز. ەلٸمٸز بۇعان دەيٸن كٶپتەگەن قيىنشىلىقتاردى باسىنان ٶتكەردٸ. ولاردىڭ قاي قايسىسىن دا بەرەكە - بٸرلٸكتٸڭ, اۋىزبٸرشٸلٸكتٸڭ ارقاسىندا جەڭە بٸلدٸ. ەگەمەن ەلٸمٸز بۇل جاعدايدان دا امان - ەسەن شىعاتىنىنا نىق سەنٸممەن ايتا الامىن», - دەدٸ ول.
