Álemniń 43 eli QazVac vaktsinasyn alýǵa daiyn. Bul týraly QR Premer-Ministriniń orynbasary Eraly Toǵjanov aitty, dep habarlaidy QazAqparat.
«Qazaqstandyq ǵalymdardyń kúmánsiz tabysy Biologiialyq qaýipsizdik máselelerdi jónindegi ǵylymi-zertteý institýtynyń koronavirýsqa qarsy QazVac vaktsinasyn ázirleýi boldy. Biz búginde odan ary ilgerilep kelemiz. Qazirgi ýaqytta BSL-3, BSL-4 qurylysy júrgizilip jatyr. Bul rette Bilim jáne ǵylym ministrliginiń róli de zor», - dedi Úkimet basshysynyń orynbasary Bilim jáne ǵylym ministrliginiń keńeitilgen alqa otyrysynda.
Vitse-premer munan ary da birlesken jumystyń jalǵasatynyn basa aitty.
«Eldiń atyn shyǵarǵan úlken joba bolǵanyn bárińiz jaqsy bilesizder dep oilaimyn. 6 memlekettiń ishinen besinshi bolyp Qazaqstan óziniń vaktsinasyn shyǵarǵan elge ainaldy. Sondyqtan bul - úlken jetistik. Ǵalymdardyń bárine raqmetimizdi aitamyz. Ary qarai da jumys kóp. Birge jalǵastyrýymyz kerek. Olardyń aldyna qoiylǵan tapsyrma da bólek. Qazir 43 memleket bizdiń vaktsinamyzdy alýǵa daiyn ekendigin bildirip otyr», - dedi Eraly Toǵjanov.
