Álemniń 130 eli men aýmaǵy tsifrlyq korporatsiialardyń qyzmetine iri salyq salatyn jáne halyqaralyq kompaniialardyń salyq tóleýden jaltarýyn azaitatyn reformaǵa qosylýǵa kelisti. Bul týraly Ekonomikalyq yntymaqtastyq jáne damý uiymynyń ókilderi málimdedi, dep habarlaidy Euronews.
Joba osy uiymnyń aiasynda qurylǵan bolatyn.
Joba boiynsha, birinshiden, korporatsiialar paida tapqan elde salyq tóleidi. Ekinshiden, «salyq ailaqtarynyń» paida bolmas úshin barlyq elder úshin eń tómengi mindetti kórsetkish — 15% engiziledi.
«Bul - ambitsiiaǵa toly jáne innovatsiia turǵysynan jahandyq kelisim. Bul - bir ǵasyr boiy salyq salasyndaǵy eń mańyzdy kelisim. Kelesi kezeń - 10 shildede Venetsiiadaǵy «Úlken jiyrmalyqtyń» kezdesýi, onda qarjy ministrleri qujatqa saiasi qoldaý kórsetýi kerek», - dedi Frantsiianyń qarjy ministri Briýno le Mer.
Jobamen jumys birneshe jyl boiy júrgizildi; búgingi tańda ol memlekettik biýdjetterge koronakrizisten keiin ekonomikany qalpyna keltirý úshin qosymsha kiristerdi qamtamasyz etýdiń óte ýaqtyly múmkindigi delinedi. Jańa túsimderdiń jalpy kólemi jyl saiyn 150 milliard dollarǵa baǵalanady.
