ەلەمنٸڭ 130 ەلٸ مەن اۋماعى تسيفرلىق كورپوراتسييالاردىڭ قىزمەتٸنە ٸرٸ سالىق سالاتىن جەنە حالىقارالىق كومپانييالاردىڭ سالىق تٶلەۋدەن جالتارۋىن ازايتاتىن رەفورماعا قوسىلۋعا كەلٸستٸ. بۇل تۋرالى ەكونوميكالىق ىنتىماقتاستىق جەنە دامۋ ۇيىمىنىڭ ٶكٸلدەرٸ مەلٸمدەدٸ, دەپ حابارلايدى Euronews.
جوبا وسى ۇيىمنىڭ اياسىندا قۇرىلعان بولاتىن.
جوبا بويىنشا, بٸرٸنشٸدەن, كورپوراتسييالار پايدا تاپقان ەلدە سالىق تٶلەيدٸ. ەكٸنشٸدەن, «سالىق ايلاقتارىنىڭ» پايدا بولماس ٷشٸن بارلىق ەلدەر ٷشٸن ەڭ تٶمەنگٸ مٸندەتتٸ كٶرسەتكٸش — 15% ەنگٸزٸلەدٸ.
«بۇل - امبيتسيياعا تولى جەنە يننوۆاتسييا تۇرعىسىنان جاھاندىق كەلٸسٸم. بۇل - بٸر عاسىر بويى سالىق سالاسىنداعى ەڭ ماڭىزدى كەلٸسٸم. كەلەسٸ كەزەڭ - 10 شٸلدەدە ۆەنەتسيياداعى «ٷلكەن جيىرمالىقتىڭ» كەزدەسۋٸ, وندا قارجى مينيسترلەرٸ قۇجاتقا ساياسي قولداۋ كٶرسەتۋٸ كەرەك», - دەدٸ فرانتسييانىڭ قارجى مينيسترٸ بريۋنو لە مەر.
جوبامەن جۇمىس بٸرنەشە جىل بويى جٷرگٸزٸلدٸ; بٷگٸنگٸ تاڭدا ول مەملەكەتتٸك بيۋدجەتتەرگە كوروناكريزيستەن كەيٸن ەكونوميكانى قالپىنا كەلتٸرۋ ٷشٸن قوسىمشا كٸرٸستەردٸ قامتاماسىز ەتۋدٸڭ ٶتە ۋاقتىلى مٷمكٸندٸگٸ دەلٸنەدٸ. جاڭا تٷسٸمدەردٸڭ جالپى كٶلەمٸ جىل سايىن 150 ميلليارد دوللارعا باعالانادى.
