Prezident Qasym-Jomart Toqaevtyń «Abai jáne HHI ǵasyrdaǵy Qazaqstan» maqalasy – uly aqynnyń qazaq halqy úshin ulttyq bolmysymyzdyń úlgisi bolyp qala beretin tulǵa ekenin aiǵaqtaidy. «Til-qazyna» ulttyq ǵylymi-praktikalyq ortalyǵynyń bas direktory Álibek Asqarov osyndai pikir bildirdi, dep habarlaidy QazAqparat.
«Halqymyzdyń uly aqyny Abai shyǵarmashylyǵy adamgershilik jáne izgilik týraly ideialarǵa toly ekeni belgili. Gýmanist aqynnyń oilary óz halqynyń rýhaniiatyn baiytyp qana qoimai, búkilálemdik aqyl-oi qazynasyna da úles qosty», - dedi Álibek Asqarov.
Ol óz sózinde «Til-qazyna» ulttyq ortalyǵy – bul elimizdegi qazaq tilin oqytý, úiretý men latyn grafikasyna kezeń-kezeńimen kóshirýdiń ǵylymi-uiymdastyrýshylyq mindetterin iske asyratyn respýblikalyq ortalyq mekeme ekenin eske salyp ótti.
«Ózderińizge belgili, Qazaqstan Respýblikasynyń Tuńǵysh Prezidenti - Elbasynyń 2017 jylǵy 26 qazandaǵy «Qazaq álipbiin kirillitsadan latyn grafikasyna kóshirý týraly» №569 Jarlyǵyna sáikes, qazaq álipbiin latyn grafikasyna kóshirý jumystary bastalyp ketti. Sonymen qatar, qazaq tiliniń jahandaný úderisindegi ómirsheńdigin qamtamasyz etý úshin tildiń áleýetin úzbei, jetildirip otyrý da mańyzdy. Bul rette, qazaq tilin oqytý ádistemelerin júieleý, standarttaý, oqý-ádistemelik quraldaryn ázirleý jumystary negizgi orynǵa ie. 2020 jyly memlekettik tapsyrma aiasynda «Til-qazyna» ulttyq ortalyǵy «Abai institýty» atty Qazaqstanda jáne shetelde qazaq tilin úiretý jáne ilgeriletý baǵdarlamasyn iske asyrýdy josparlap otyr. Baǵdarlama aiasynda álemniń 11 elindegi qandastarymyzǵa qazaq tilin meńgerý, úirený kýrstaryn uiymdastyrsaq degen oidamyz. Erekshe ádistememen ótetin qazaq tiliniń kýrstary Reseidegi, Qytai men Monǵoliiadaǵy, Túrkiia men Tájikstan, Túrikmenstan, Iran, Ýkraina, AQSh elderindegi qandastarymyz qazaqtyń aitýly aqyndary men jazýshylarynyń eńbekteri arqyly ana tilderin tereńirek bilýlerine, meńgerýlerine yqpal etedi. Uly aqyn Abai shyǵarmalary osy kýrstarda da ótkiziletin bolady», - deidi ol.
Álibek Asqarov Memleket basshysy Qasym-Jomart Toqaevtyń «Abai jáne HHI ǵasyrdaǵy Qazaqstan» maqalasy - Abai qazaq halqy úshin urpaqtan urpaqqa jalǵasatyn ulttyq bolmysymyzdyń úlgisi bolyp qala beretin tulǵa ekenin aiǵaqtaitynyn jetkizdi.
Eske sala ketsek, «Egemen Qazaqstan» gazetiniń búgingi sanynda QR Prezidenti Qasym-Jomart Toqaevtyń «Abai jáne HHI ǵasyrdaǵy Qazaqstan» atty maqalasy jariialanǵan bolatyn.
