Álemdik dodadalarda top jarǵan sportshylarǵa beriletin zeinetaqy 4 ese ósedi. Bul týraly Mádeniet jáne sport ministrligi málimdedi, - dep habarlaidy «Habar 24».
Olardyń ai saiynǵy tólemaqy deńgeii osyǵan deiin 76 myń teńge bolsa, endi bul qarajat 318 myń teńgege deiin kóteriledi. Sondai-aq biyl tóreshilerdiń de jalaqysy óspek.
Jalpy qazaqstandyq sportshylardyń dúbirli dodalardaǵy nátijesi jaman emes. Atap aitsaq, Álem jene Aziia chempionattarynda el sportshylary jyl basynan beri 133 altyn, 135 kúmis, 148 qola júldeni ielengen.
"Sheshimin tappai kele jatqan taǵy bir másele - 105 buiryq bekitildi. Ulttyq Olimpiada komiteti ulttyq qurama komandalardy daiyndaýmen ainalysqaly, 2017 jyldan beri olarǵa arnalǵan sporttyq jabdyqtar satyp alynbaǵan. Endi bul másele óz sheshimin taýyp, sportshylarymyzǵa sporttyq jabdyqtardy satyp alý áldeqaida jeńil bolady", - dedi MSM sport jáne dene shynyqtyrý isteri komiteti tóraǵasynyń orynbasary Bekbolat Baijanov.
