Astanada ótip jatqan Álemdik jáne dástúrli dinder kóshbasshylarynyń VI sezi aiasynda «Beibitshilik qabyrǵasy» monýmenti aldynda álemdik din basshylary bir ýaqytta minajat etti, dep habarlaidy QazAqparat tilshisi.
Din basshylarynyń qudaiǵa syiyný protsedýrasy birneshe minýtqa sozyldy. Osydan keiin Beibitshilik qabyrǵasynyń alyp ekranynan álemdegi eń iri apattar, iadrolyq qarý jarylystary týraly video kórsetildi. Mátin orys tilinde bolǵanymen, qatysýshylar úshin tikelei aýdarma júrgizildi.
Eske sala ketsek, Álemdik jáne dástúrli dinder kóshbasshylarynyń VI sezi Astanada keshe bastalǵan bolatyn. Alqaly jiynǵa barlyq álemdik jáne dástúrli dinderdiń ókilderi, sonymen qatar bedeldi dini liderler, saiasi qairatkerler men halyqaralyq uiym ókilderinen quralǵan 46 elden 82 delegatsiia qatysýda. Sezdiń mártebeli meimany - Serbiia Respýblikasynyń Prezidenti Aleksandr Výchich. Jahandyq sharanyń basty jáne negizgi taqyryby - «Dini liderler qaýipsiz álem úshin».
Sez barysynda Qazaqstan Prezidenti Nursultan Nazarbaev memleketter arasyndaǵy senimdi nyǵaityp, qaýipsiz álemdi qalyptastyrý jolynda konfessiiaaralyq, órkenietaralyq dialog ortalyǵyn bekitýge daiyn ekenin málimdegen bolatyn.
