Álemdik derjavalar qarýlaný jarysyna qaita oralýy múmkin. Bul týraly búgin elordada ótip jatqan Astana klýbynyń jalpy otyrysynda QR Prezidenti Nursultan Nazarbaev aitty, dep habarlaidy QazAqparat tilshisi.
«Teketirestiń kúsheiýi qaýipsizdikti damytýdyń jahandyq institýttarynyń tiimdiligi máselesin kóterip otyr. Búgingi kúnniń basty trendi ekinshi dúniejúzilik soǵystan keiin paida bolǵan strategiialyq turaqtylyq negizderiniń shatqaiaqtaýy sanalady», - dep atap ótti Elbasy.
Memleket basshysy shaǵyn jáne qysqa qashyqtyqtaǵy zymyrandardy joiý boiynsha ýaǵdalastyqqa qatysty ahýaldyń da kúrdelene túskendigin basa aitty.
«2021 jylǵa deiin kúshinde bolatyn strategiialyq shabýyldaýshy qarý-jaraqtardy qysqartý týraly shartty uzartýǵa qatysty máseleniń jai-kúii de «bógelý» jaǵdaiynda qalyp otyr. Shaǵyn jáne qysqa qashyqtyqqa arnalǵan zymyrandardyń ydyraýy jáne strategiialyq shabýyldaýshy qarý-jaraqtardy qysqartý týraly shartty uzartýdaǵy problemalar is júzinde qarýlanýdy baqylaý júiesin kúiretedi. Álemdik derjavalar qarýlaný jarysyna qaita oralýy múmkin. Adamzat óz urpaǵynyń bolashaǵyna jáne búgingi kezeńde alańdaýshylyq tanytýda», - dedi Nursultan Nazarbaev.
Aita keteiik, Elbasy jiyn barysynda Úlken Eýraziianyń sulbasy qalyptasyp kele jatqanyn aityp, Resei, AQSh jáne Qytai arasyndaǵy geosaiasi básekelestikke alańdaýshylyq tanytty.
