Foto: Aqorda
Prezident Qasym-Jomart Toqaev Densaýlyq saqtaý ministri Aqmaral Álnazarovany qabyldady. Kezdesýde salanyń qazirgi jaǵdaiy men aldaǵy josparlar sóz boldy, dep habarlaidy Ult.kz.
Negizgi kórsetkishter:
-
Ómir súrý uzaqtyǵy – 75,4 jas (álemdik ortasha deńgeiden joǵary).
-
Jalpy ólim-jitim biylǵy alǵashqy jartyjyldyqta 3%-ǵa tómendedi.
-
Ana men bala ólimi tarihtaǵy eń tómengi deńgeige jetti.
Saladaǵy ózgerister:
-
«Qoljetimdi emhana» tujyrymdamasy iske asyrylyp jatyr.
-
Dári-dármekpen qamtamasyz etý men onyń ainalymyna baqylaý kúsheitildi.
-
Dárigerler tapshylyǵy 2024 jylmen salystyrǵanda respýblika boiynsha 19%-ǵa, aýyldarda 16%-ǵa azaidy.
-
Áleýmettik osal toptaǵy 1 mln adam kelesi jyldan bastap meditsinalyq saqtandyrýǵa qosylady.
Dárigerlerdi qorǵaý:
Zańnamany qatańdatý jáne meditsina qyzmetkerlerine shabýyl jasalǵan jaǵdaida shuǵyl kómek kórsetý tetikteri engiziledi.
Prezidenttiń tapsyrmalary:
-
«Aýylda densaýlyq saqtaýdy jańǵyrtý» jobasy aiasynda eldi mekenderdegi alǵashqy kómek nysandarynyń qurylysyn biyl aiaqtaý.
-
Mindetti meditsinalyq saqtandyrýdy tiimdi etý.
-
Mańyzdy dári-dármekterdiń otandyq óndirisin damytý.
