HH ǵasyrda tehnologiia men aqparattyń damýynyń arqasynda qaladaǵy ǵimarattar biik etip salyndy. Qalaǵa adamdardyń aǵylyp kelýinen jer jetispeýshiligi de sezile bastady. Biraq álemdegi eni eń qysqa úi basqa sebeppen qurylǵan.
Livan astanasy Beirýttaǵy Al Ba'sa atty úi teńiz jaǵalaýyndaǵy alaqandai jerde boi kótergen. Bul ǵimarattyń uzyndyǵy 4 metr de, eni 60 santimetr ǵana. Mundai erekshe úidi inisi aǵasyna qasarysyp, ádeii salǵan.
Aǵa men ini ortasyndaǵy kikiljiń 1950-jyldary bastalǵan. Olardyń ákesi óliminen soń teńiz jaǵalaýyndaǵy shaǵyn jerdi uldary men qyzdaryna mura etip qaldyrǵan. Perzentteri bul jerde “ne salý kerek?” degen suraq ainalasynda bas qatyryp, bir sheshimge kele almaǵan. Jaǵdai jerdiń bir bóligin úkimet qala qajettiligi úshin alyp qoiǵannan soń tipti qiyndaǵan.
Úkimet kenje ulǵa tiesili jerdiń bir bóligin alyp qoiǵan. Al aǵasy óz jerine úi salyp alǵan. Buǵan renjigen inisi ózine tiesili alaqandai jerge, aǵasyna qyrsyǵyp kóp qabatty úi turǵyzǵan. Bul ǵimarat qabyrǵalary úlken uldyń úiinen biik bolǵandyqtan, teńiz kórinisin jaýyp tastaǵan. Nátijesinde aǵasynyń úii birden arzandap ketken.
Ýaqyt óte Al Ba'sa-da basqa otbasy turǵan. Keiin úi qańyrap bos qalǵan. Soǵys kezinde ol jerge bosqyndar tyǵylǵan. Otbasy arazdyǵynyń simvolyna ainalǵan ǵimarat áli de buzylmai tur. Úkimettiń aitýynsha, ony buzyp ornyna basqa birdeńe salý - tiimsiz.
