"Táýelsiz ShanghaiRanking Consultancy uiymy álemdegi eń úzdik joǵary oqý oryndarynyń reitingin (The Academic Ranking of World Universities – 2016 (ARWU) jariialady. Oǵan ondaǵan eldiń ýniversitetteri men institýttary kirgen. Biz sonyń ishinen eń úzdik 10 oqý ornyn atap kórsetpekpiz", - deidi BAQ.kz tilshisi.
Reiting jasalǵan kezde túrli pánder boiynsha oqytý sapasy, professorlyq-oqytýshylyq quram men oqý ornyn bitirgen stýdentterdiń jetistigi (Nobel jáne Filds syilyǵynyń laýreattary), bilikti zertteýshilerdiń, Science jáne Nature ǵylymi jýrnaldarynda maqalalardyń bolýy mańyzdy.
1. Garvard ýniversiteti
1636 jyly negizi qalanǵan. Álemdegi áigili oqý orny. Reitingte absoliýtti kóshbastaýshy. Álemdegi 62 milliarderdiń, 150 Nobel laýreatynyń, 18 Filds laýreatynyń, 13 Tiýring syilyǵy iegeriniń, sondai-aq AQSh-tyń 8 prezidentiniń osy ýnivertitetke qatysy bar.
2. Stenford ýniversiteti
Bul oqý orny Garvard ýniversitetinin 250 jyldan keiin ashylǵan. Oǵan álemdegi 30 milliarderdiń, 17 ǵaryshkerdiń, 60 Nobel syilyǵy laýretanynyń, 20 Tiýring syilyǵy iegeriniń jáne 7 Filds medali iegeriniń qatysy bar.
3. Kaliforniiadaǵy Berkli ýniversiteti
Álemdegi úzdik JOO tiziminde bir jylda bir pozitsiiaǵa joǵarylaǵan. Onyń túlekteri, zertteýshileri men qyzmetkerleri 72 Nobel syilyǵyn, 13 Filds medalin, 22 Tiýring syilyǵyn, 14 Pýlittser syilyǵyn jáne Olimpiadalardyń 105 altyn medalin alǵan.
4. Kembridj ýniversiteti
Álemdegi eń eski joǵary oqý oryndarynyń biri. 1209 jyldan beri jumys istep keledi. Oǵan 92 Nobel syilyǵy men 10 Felds syilyǵy iegerleriniń qatysy bar. Bul ýniversitetti biolog Charlz Darvin, Ulybritaniia koroli Georg VI, Daniia patshaiymy Margrette II jáne júzdegen tanymal adamdar támamdaǵan.
5. Massachýsets tehnologiialyq institýty
Tehnologiialyq institýtqa 85 Nobel syilyǵy men 6 Filds medali iegerleriniń, 34 ǵaryshkerdiń, 19 Tiýring syilyǵy laýreatynyń qatysy bar. 2016 jylǵy reitingte institýt úshinshi orynnan túsip qalǵan.
6. Prinston ýniversiteti 
Munda Nobel syilyǵynyń 41, Filds medaliniń 14 laýreaty, Tiýring syilyǵynyń 10 iegeri oqyǵan. AQSh-ta bedeli jaǵynan besinshi orynda.
7. Oksford ýniversiteti 
Álem boiynsha Bolonnan keiingi eń eski ekinshi oqý orny. 1096 jyly munda sabaq júrgizilgen. Eski mýzeii men jeke baspasy bar. Nobel syilyǵynyń 27 laýreaty men Ulybritaniianyń 27 premer-ministriniń esimderi osy oqý ornymen bailanysty. Ulttyq reitingte ekinshi orynda bolsa, álemdik reitingte bir jyl ishinde úsh orynǵa kóterilgen.
8. Kaliforniia tehnologiialyq institýty 
Baiqasańyz, bir shtattan eki birdei oqý orny úzdik ondyqqa kirgen. Bul institýt jetinshi orynnan segizinshi orynǵa túsken. Dese de, Nobel syilyǵynyń 34, Filds medaliniń 1 laýreatynyń jáne Tiýring syilyǵyn alǵan 6 adamnyń osy institýtqa qatysy bar.
9. Kolýmbiia ýniversiteti
AQSh-taǵy belgili oqý oryndarynyń biri. Álemdegi 20 milliarder men 104 Nobel syilyǵy laýreaty osynda oqyǵan. Bul tizimge AQSh-tyń úsh prezidenti men Joǵarǵy sottyń toǵyz tóraǵasyn qosýǵa bolady.
10. Chikago ýniversiteti
Munda Nobel syilyǵyn alǵan 89, Filds medalin alǵan 9 adam jáne 13 milliarder, AQSh Kongresiniń ondaǵan múshesi oqyǵan.
