Búgin shet memleketterdiń elshilerine Qazaqstannyń investitsiialyq strategiiasyn tanystyrý rásiminde QR Premer-Ministri Baqytjan Saǵyntaev munai-gaz salasyndaǵy eń iri investitsiia týraly aityp berdi, dep xabarlaidy Ult.kz tilshisi QazAqparat agenttigine silteme jasap.
"Jaqynda men Amerika Qurama Shtattarynda bolyp, "Shevronnyń" basshysy Ýotson myrzamen kezdeskenmin. Sonda onyń aitqany, 25 jyldyń ishinde Qazaqstan qalai ósti, "Shevron" da solai damydy. Aldaǵy ýaqytta kompaniia óz óndiristerin keńeitý aiasynda 39 mlrd. dollar kólemindegi investitsiiany salýdy josparlap otyr. Bul álem boiynsha munai-gaz salasyndaǵy eń iri investitsiia bolyp sanalady. Ýotson myrza óz kompaniiasynyń sheteldegi Qazaqstan elshisi qusap bárine osy eldegi investorlar úshin jasalatyn jaǵdailar jaiynda aityp júretinin jetkizdi. 25 jyldyń ishinde qanshama aqsha taptyq, endi sony basqa memleketke emes, Qazaqstanǵa salamyz dep otyr. Sondyqtan biz eski investorlardy esh ýaqytta umytpaimyz. Óitkeni olarǵa qarap, jańa investorlar keledi", - dedi Úkimet basshysy.
Aita keteiik, Premer-Ministr Baqytjan Saǵyntaev Qazaqstanǵa tartylǵan investorlardyń aimaqtarda birqatar kedergilerge tap bolatynyna alańdap otyr. Sonyń biri - jergilikti biliktiń til bilmeýi.
Al QR Investitsiialar jáne damý ministri Jeńis Qasymbektiń aitýynsha, maýsym aiynyń aiaǵyna deiin investitsiialardy tartýdyń ulttyq strategiiasy daiarlanady. Sonyń aiasynda shetel investitsiiasyn tartyp qana qoimai, ony ustap qalýǵa da basymdyq beriledi.
