Britaniialyq Telegraph basylymy saýalnama júrgizý arqyly álem elderiniń dini kartasyn syzyp, eń dinge berik halyqty anyqtady, dep habarlaidy Islam.kz saityna silteme jasaǵan "Ult aqparat".
Atalmysh karta 2008, 2009 jáne 2015 jyldary birneshe ret júrgizilgen saýalnamalardyń nátijesine qarai syzylǵan. Saýalnamaǵa qatysqandarǵa «Ózińizdi dindarmyn dep esepteisiz be?» degen bir ǵana saýal qoiylady.
Belgili bolǵandai, eń dindar elder Afrika men Taiaý Shyǵysta bolyp shyqty. Odan keiin Ońtústik-shyǵys Aziia men Latyn Amerika elderi de qalyspaǵan. Musylmandarmen qatar hristiandar turatyn Efiopiia bul tizimde kósh bastap tur.
Atalǵan elde saýalnamaǵa qatysqandardyń 99 paiyzy ózin dindarlardyń qataryna jatqyzǵan. Sondai-aq, Malabi, Niger, Shri-Lanki jáne Iemen ekinshi orynnan kóringen. Somalidegi dindarlar qarasy — 98%, Aýǵanstanda — 97%.
Al eýropalyqtardyń deni ózderin ateist sanaǵan. Tek Polsha ǵana dindarlyǵy boiynsha kári qurlyqta aldyńǵy orynnan kóringen. El turǵyndarynyń 86 paiyzy ózin dindar sanaidy. Italiiada bul kórsetkish - 74%, Grekiiada - 71%. Japoniiada - 13%. Estoniia - 16%, Shvetsiia (19%), Norvegiia (21%) jáne Chehiia (23%).
Al Qytaiǵa kelsek, milliardtaǵan turǵyndardyń 7 paiyzy ǵana ózin dindar sanaǵan. Al Resei Federatsiiasynda 70%, AQSh - 56%.
