Álemde koronavirýstyń jańa túrin juqtyrǵandar 800 myńnan asty. Bul týraly AQSh-taǵy Djon Hopkins ýniversitetiniń dereginde aitylady. Qazir álemde Covid-19 dertinen 39545 adam kóz jumdy. 172869 adam aýrýdan jazyldy.
AQSh-ta virýs juqtyrǵandar 165 myńnan asty. 3400 astam adam qaitys boldy. Amerika adam ólimi boiynsha Qytaidan (3300 adam ólgen) asty.
Italiiada keiingi 24 saǵatta taǵy 837 adam qaitys boldy, 4053 adamǵa virýs juqty. Bul elde eki kún qatarynan virýs juqtyrǵandar sany 4 myń adamnyń ainalasynda. Italiiada onyń aldynda bir kúnde 5 myńnan 7 myńǵa deiin adamnan virýs tabylǵan. Qazir bul elde barlyǵy 105792 adamnan virýs tabylyp, 12428 adam qaitys boldy. 15729 adam aýrýdan jazyldy.
Ispaniiada qazirge deiin 94417 adamnan virýs tabylyp, 8269 adam qaitys boldy.
