Bul týraly Ulttyq mýzeide ótken «Altyn adamnyń álem mýzeilerine sherýi» atty xalyqaralyq kórme jobasynyń jyldyq qorytyndy baspasóz máslixatynda QR Mádeniet jáne sport ministri Arystanbek Muhamediuly aitty, dep jazady Baq.kz agenttigi.
Eske sala keteiik, joba Elbasynyń «Bolashaqqa baǵdar: rýxani jańǵyrý» atty maqalasynyń aiasynda júzege asyrylyp otyr.
«Biz altyn adamdy dúniejúzine nasihattaýymyz kerek. Qazir istelip jatqan jumystar birinshi qadam bolyp tabylady. Biraq ol azdyq etedi. Nege deseńizder, Dúniejúzi tań qalyp jatqan «Altyn adam» Qazaqstannyń eskertishi ekenin bilgen kezde olardyń qyzyǵýshylyǵy artatyny belgili. Ol - bizdiń elimizdiń kóne tarihy, bailyǵynyń kórsetkishi. Elbasy keshegi «Uly dalanyń jeti qyry» maqalasynda osy eskertkishtiń ornyn erekshe atap ótken. Sol sebepti biz ony búkil álemge pash etýimiz kerek», - deidi QR Mádeniet jáne sport ministri Arystanbek Muhamediuly
Vedomsvto basshysy atap ótkendei, mundai kórmelerdi basqa elderde ótkizgen. Alaida olardyń batyrlarynyń kiimi kóbine bolattan, temirden jasalǵan, al altynnan jasalǵany jalǵyz Qazaqstanna tabylǵan.
«Búgingi konferentsiianyń mańyzdylyǵy óte joǵary. Sebebi biz ótken jyly 6 iri memlekette «Altyn adam» kórmesin uiymdastyrǵan bolatynbyz. Qazirgi kezde bizdiń maqsatymyz ol kórmeni jalǵastyrý. «Altan adam» Qazaqstannyń brendi dep te aitamyz sondyqtan biz ony ǵylymi turǵydan odan ári jetildirýimiz kerek. Búginde biz AQSh, Almaniia jáne Ulybritaniia memleketterimen kórmeni ótkizý úshin kelissózder júrgizip jatyrmyz», - dedi ministr.
Búgingi kúni joba álemniń 6 elinde kórsetilgen. Olar: Belarýs, Ázirbaijan, Resei, Qytai, Polsha jáne Ońtústik Koreiada usynyldy. Kórmege kelgen qonaqtardyń sany 200 myń adamnan asty. Kórmege qoiylǵan jádigerler dala órkenietiniń tarixy, imperiialardyń jeńisteriniń kýási bolyp tabylady. Kórmede erte temir dáýirindegi alǵashqy dalalyq memleketter dáýiriniń murasy sanalatyn, ań stilindegi Esik bekzadasynyń altyn kiimi basty orynda bolsa, Batys Qazaqstandaǵy Taqsai abyzy men Araltóbe jaýyngeri, Sararqadaǵy Taldy - 2 bileýshisi, Altaidaǵy Berel jylqylarynyń jádigerleri de osy kórmege qoiyldy.
