Ispaniiada sońǵy táýlikte koronavirýs juqtyrǵan 850-ge jýyq adam qaitys boldy. AQSh-ta American Airlines kompaniiasy úkimetten 12 mlrd dollar surap otyr. Al Polshada qatań karantin rejimi engizildi, dep habarlaidy BBC agenttigi.
Covid-19 virýsyn juqtyrýshylar sany kún sanap ósip keledi. Sonymen qatar onyń taraý jyldamdyǵy da artty. Djon Hopkins ýniversitetiniń málimetteri boiynsha, álem boiynsha qaýipti virýsty juqtyrýshylar sany sońǵy úsh kún ishinde 128 myń adamǵa jetti.
Aqpannyń ortasynda virýs juqtyrýshylar sany táýligine ortasha alǵanda 2-3 myń adamdy qurady. Eger virýstyń taraýy osy qarqynmen jalǵasa berse, osy aptanyń sońynda-aq álem boiynsha koronavirýs juqtyrǵandar 1 million adamǵa jetedi (seisenbi kúni olardyń sany 800 myń bolǵan).
1 sáýir kúngi tańdaǵy málimetter boiynsha álemde virýs juqtyrǵandar sany 859991 (+73185 táýligine) adamdy quraǵan, qaitys bolǵandar — 42148 (+4324), saýyǵyp shyqqandar — 178100 (+12493) adam.
