Djons Hopkins Ýniversitetiniń málimeti boiynsha álemde koronavirýs juqtyrǵandar sany 80 millionnan asty, dep habarlaidy QazAqparat.
COVID-19 virýsynan 1 mln 756 921 adam kóz jumǵan. Qaýipti virýs eń kóp taralǵan elderdiń kóshin AQSh, Úndistan, Braziliia, Resei bastap keledi.
Qazirgi kezde AQSh-ta koronavirýsty juqtyrǵan adamdar sany 18 mln adamnan asty.
Eske salsaq, Dúniejúzilik densaýlyq saqtaý uiymy ótken aptada koronavirýs juqtyrý oqiǵalarynyń sany boiynsha jańa rekord ornatylǵanyn aityp, dabyl qaqty.
Uiymnyń esebi boiynsha, sońǵy jeti kúnniń ishinde COVID-19 ǵalamshardyń 4,6 mln astam turǵynynan anyqtalǵan.
