Djon Hopkins ýniversitetiniń esebi boiynsha indetten kóz jumǵandardyń eń kóbi - AQSh, Braziliia jáne Ulybritaniia elderinde, dep habarlaidy "Ult aqparat" ýniversitet málimetterine silteme jasap.
Jańa tiptegi koronavirýsty juqtyrǵan soń qaitys bolǵan adam sany senbi kúni 600 435-ke jetti. Bul - Djon Hopkins ýniversitetiniń memleketterdiń federaldyq jáne jergilikti biliginiń aqparaty negizinde jasaǵan esebi.
Zertteý uiymynyń málimetinshe, virýstan eń kóp adam kóz jumǵan elder – AQSh (139,9 myńnan astam adam), ekinshi orynda Braziliia (78,7 myńnan astam adam) jáne Ulybritaniia (45,3 myńnan astam adam).
Qazirgi kezde koronavirýs 14,2 mln astam adamnan anyqtalǵan. Indet juqtyrý oqiǵalarynyń eń kóbi AQSh-ta (3 697 743). Budan keiin tizimde (2 074 860), Úndistan (1 038 716) jáne Resei (765 437) tur.
Jańa koronavirýs 2019 jyldyń sońynda Ortalyq Qytaida tirkelip, kóptegen elderge taraǵan. Dúniejúzilik densaýlyq saqtaý uiymy ony "pandemiia" dep atady.
