Pandemiianyń shekteý is-sharalary jaǵdaiynda jahandyq tikelei shetel investitsiialary aǵyndary 35%-ǵa tómendedi. Bul týraly QR Ulttyq ekonomika vitse-ministri Álisher Ábdiqadyrov aitty, dep habarlaidy QazAqparat.
«Memleket basshysynyń tapsyrmalaryna, sondai-aq 2025 jylǵy Ulttyq damý josparyna sáikes, memlekettik organdar investitsiialar tartý boiynsha júieli jumys júrgizýde. Sońǵy birneshe jyl ishinde jahandyq saiasi jáne ekonomikalyq klimattyń nasharlaýyna, sondai-aq koronavirýs pandemiiasyna bailanysty álemdik ekonomika tikelei sheteldik investitsiialar aǵyndarynyń (TShI) qysqarýyn baiqatyp otyr. 2020 jyly pandemiia jáne onymen bailanysty shekteý sharalary jaǵdaiynda jahandyq TShI aǵyndary 35%-ǵa tómendedi, bul sońǵy 30 jyldaǵy eń joǵary tómendeý. Quldyraý álemniń barlyq elderine áser etti», - dedi Á. Ábdiqadyrov Ortalyq kommýnikatsiialar qyzmetinde.
Onyń aitýynsha, Eýropanyń damyǵan elderine, Aziianyń damýshy elderine jáne ótpeli ekonomikasy bar elderge TShI aǵyny 30-45%-ǵa, Soltústik Amerikaǵa baǵyttalǵan tikelei investitsiialar 20-35%-ǵa qysqardy.
«Sonymen qatar, damýshy elderde indýstriialandyrý men ekonomikany qurylymdyq transformatsiialaýdy qoldaý úshin investitsiialar tartý jáne eksportty ulǵaitý qajettiligi burynǵydan da qatty seziledi. Is júzinde álemde júrgizilip jatqan barlyq jańa ónerkásiptik strategiialar aitarlyqtai dárejede investitsiialar tartýǵa táýeldi. Investitsiiaǵa suranys burynǵydan da joǵary bolyp qala beredi jáne usynystar azaiýda. Osyǵan bailanysty Investitsiialar naryǵy kúrdelene túsedi jáne básekege qabiletti bolady», - dedi vitse-ministr.
