Búgin álemde «Ǵylymdaǵy áielder COVID-19 qarsy kúrestiń aldyńǵy shebinde» taqyrybyna arnalǵan áielder men qyzdardyń ǵylymdaǵy halyqaralyq kúni atalyp ótýde, dep jazady QazAqparat.
SOVID-19 pandemiiasy kezinde áiel zertteýshileriniń róli orasan zor boldy. Indetiniń ártúrli kezeńderinde, virýs týraly bilimdi tereńdetýden bastap, virýsqa qarsy vaktsinany testileý ádisteri men virýsqa qarsy vaktsinany ázirleýge deiin áiel ǵalymdardyń qatysýmen birshama jumys atqaryldy.
Ǵylym men genderlik teńdik — damý maqsattaryna qol jetkizýdiń, onyń ishinde ornyqty damýdyń 2030 jylǵa deiingi kún tártibinde kórinis tapqan ajyramas elementteri. Sońǵy jyldary álemdik qaýymdastyq áielder men qyzdardy ǵylymǵa tartý salasynda aitarlyqtai jetistikterge jetti.
Osyǵan qaramastan, olar osy salada áli de shekteýlerge tap bolyp otyr. Kóbinese bul belgili bir kásipterde mansap qurýǵa kedergi keltiretin genderlik stereotipterge bailanysty.
«Áielder búkil álemdegi densaýlyq saqtaý jáne áleýmettik saladaǵy jumys kúshiniń shamamen 70% quraidy jáne pandemiiamen kúresýde aldyńǵy qatarda. Osylaisha, qyzdardyń ártúrli mamandyqtarda, sonyń ishinde ǵylymda jumys istei alýy úshin olardyń bilim alýyna neǵurlym kóp qarajat jumsalsa, biz qoǵam, qaýymdastyq jáne otbasy retinde soǵurlym kóp paida kóremiz», - dedi IýNFPA-nyń Qazaqstandaǵy ókili jáne Qyrǵyzstan men Túrikmenstandaǵy eldik direktory Djýliia Valleze.
Genderlik teńdik - bul adamnyń negizgi quqyǵy ǵana emes, sondai-aq beibit, gúldengen jáne ornyqty álem úshin mańyzdy negiz.
Qyzdardyń deni saý bolyp, ómirde barlyq múmkindikterge ie bolýy úshin ánshi, belsendi ári IýNFPA spikeri KALIYA (Aqmarjan Kósherbaeva) jáne «The Steppe» saity birge «Qyz Taǵdyry» atty jobany iske qosty. Joba qyzdarǵa, áielderge jáne sheshim qabyldaýshylarǵa bilim alýǵa jáne barlyǵyna teń qoǵam qurýǵa kómektesetin kóptegen aqparattan turady.
«Ǵasyrlar boiy ǵalymdar álem týraly kóbirek bilýge, óz qiialdarynyń shekaralaryn ashýǵa jáne basqalardyń ómirin jaqsy jaqqa ózgertýge umtyldy. Kez kelgen qyzdyń dál osylai isteýge múmkindigi bar jáne ár qyzǵa ony jasaýǵa múmkindik berilýi kerek», - dedi KALIYA.
