Álemde 87 million adam koronavirýs juqtyrdy, dep habarlaidy "Ult aqparat" koronavirýstyń taralýyna jol bermeý jónindegi QR Úkimeti janyndaǵy vedomstvoaralyq komissiianyń aqparatyna silteme jasap.
Qazir álem qaýymdastyǵy COVID-19 pandemiiasymen kúres júrgizip keldi. SARS-CoV-2 koronavirýsynyń taralýy bastalǵannan beri álemde 87 millionnan astam adam indetti juqtyrdy. Shamamen 1,9 million adam qaitys boldy, 63 millionnan astamy saýyǵyp shyqty.
Avstraliia koronavirýsqa qarsy vaktsinalaýdy erterek bastaýǵa nietti – naýqan naýryz aiynan, aqpan aiynyń birinshi jartysyna aýystyryldy. Pandemiia bastalǵaly elde 28 543 adam indetti juqtyrǵany rastaldy, 909 adam qaitys bolyp, 25 806-sy jazyldy.
Materiktik Qytaida COVID-19 juqtyrýdyń jańadan 63 jaǵdaiy anyqtaldy. Onyń 11-i shetelden kelgenderden anyqtalsa, taǵy 52-si Hebei men Liaonin provintsiialaryna tiesili.
Germaniia pediatrlary balalar men jasóspirimderdi vaktsinatsiialaýdy tezirek bastaýǵa shaqyrýda. Bul mektepter men balabaqshalardyń qalypty jumysyn qaita bastaýǵa múmkindik beredi. Federaldy pediatrlar qaýymdastyǵynyń basshysy Tomas Fishbah «balalarǵa arnalǵan arnaiy vaktsinany múmkindiginshe tezirek jasap, sertifikattaýdan ótkizý qajet», - dep atap ótti.
Sonymen qatar, Germaniianyń eki iri farmatsevtikalyq kompaniiasy jaqyn arada koronavirýsqa qarsy vaktsinany birlesip shyǵarýǵa nietti. Alians halyq arasynda ekpe egý úrdisin jedeldetý úshin jáne Germaniianyń barlyq turǵyndaryn jaz mezgiline deiin ekpemen qamtý maqsatynda qurylǵan.
