Qazaqstan táýelsizdik jyldary taǵlymdy joldan ótip, álem nazaryn ózine aýdardy. Memleket basshysy – Ult Kóshbasshysy Nursultan Nazarbaev osynaý iri jetistikti halyqtar dostyǵymen, el ishindegi turaqtylyqpen bailanystyrady. «Qazaqstannyń 100 jańa esimi» baiqaýy - kópultty memleketimizdiń damýyna eleýli úles qosqan otandastar taǵdyry. Bul - yntymaq uiytqysyna ainalǵan Qazaqstan halqy Assambleiasynyń jarqyn qyzmetimen de sabaqtas. Osy oraida «Alǵys aitý kúnin» 1 naýryzǵa belgileý jónindegi usynysty túsirgen de atalǵan uiym ekendigin maqtan etemiz.
Men Qazaqstannyń qarapaiym qyzy retinde Otanymnyń gúldenýin ómirimniń basty máni sanaimyn. Óz zamandastarymyzdyń belsendi ustanym iesi ekendigin maqtan etemin. Óitkeni, biz únemi qozǵalystaǵy, izgi tilekterdegi eldiń azamattarymyz. Aqmola assambleiasynyń múshesi únemi alda bolýy qajet dep sanaimyn. «Nur Otan» partiiasynyń kóp arnaly jumystarynyń ortasynda júrýge tyrysamyn. Qazirgi kúni Kókshetaý gýmanitarlyq-tehnikalyq litseiiniń direktory degen jaýapty qyzmetti atqarýdamyn.
Meniń ata-anam úiimizdegi balalardyń barlyǵyna Otandy súiý, qazaq tilin qurmetteý sezimin uialata bildi. Ózim pedagogikalyq ýniversitettiń qazaq bólimin bitirdim. Alǵashqy eńbek jolym da memlekettik tilge qyzmet etýmen bailanysty boldy. Pedagogtyq jumysymdy oblystyq televideniedegi «Myń bir sóz», «Tanymal», «Pod edinym shanyrakom», «Aq dastarhan», «My naýchilis!», «Jivoi rodnik» siiaqty avtorlyq baǵdarlamalardyń júrgizýshiligimen jalǵastyrdym. Atalǵan baǵdarlamalardyń barlyǵy men úshin ystyq. Onda memlekettik tildi meńgerý, dáripteýmen birge dostyq, birlik ideialary keńinen sóz boldy. Aqmola oblystyq assambleiasymen birlesken joba qazirgi kúni jańa mazmunmen kórermenderdiń kózaiymyna ainalyp otyr. Meniń osyndai qarapaiym eńbegim baǵalanyp, jeti jerlesimmen birge «Qazaqstannyń 100 jańa esimi» qatarynan kórinýimniń ózi ortaq úiimizdiń shańyraǵy biik, maqsaty asqaq ekendigin kórsetedi.
Natalia Dementeva
.jpeg)