Solt-Leik-Sitide konkimen júgirýden álem kýbogy ótip jatyr. Dúbirli dodada qazaqstandyq Nadejda Morozova Qazaqstan rekordyn jańartty, dep habarlaidy Olympic.kz.
Áielder arasynda 3000 metr qashyqtyqty (A diviziony) Morozova 3:59,647 ýaqytta baǵyndyrdy. Bul nátije oǵan buǵan deiin Olimpiada oiyndarynyń qola júldegeri Liýdmila Prokashevaǵa (4:05.01) tiesili bolǵan Qazaqstan rekordyn jańartýǵa múmkindik berdi.
Nátijesinde Morozova 12-shi orynǵa jaiǵasty.
500 metr qashyqtyqta V divizionynda ótken jarysta Qazaqstan ókili Ekaterina Aidova synǵa tústi. Qazaqstandyq atlet 38.078 nátije kórsetip, besinshi oryndy ielendi.
Erler arasynda 500 metr qashyqtyqta V divizionynda qazaqstandyq sportshylar arasynda Ivan Arjanikov úzdik nátije kórsetti. Ol 16-shy orynnan kórindi. Qorytyndy hattamada Roman Krech 31-shi, Evgenii Koshkin 34-shi qatarmen jarysty aiaqtady.
