سولت-لەيك-سيتيدە كونكيمەن جٷگٸرۋدەن ەلەم كۋبوگى ٶتٸپ جاتىر. دٷبٸرلٸ دودادا قازاقستاندىق نادەجدا موروزوۆا قازاقستان رەكوردىن جاڭارتتى, دەپ حابارلايدى Olympic.kz.
ەيەلدەر اراسىندا 3000 مەتر قاشىقتىقتى (ا ديۆيزيونى) موروزوۆا 3:59,647 ۋاقىتتا باعىندىردى. بۇل نەتيجە وعان بۇعان دەيٸن وليمپيادا ويىندارىنىڭ قولا جٷلدەگەرٸ ليۋدميلا پروكاشەۆاعا (4:05.01) تيەسٸلٸ بولعان قازاقستان رەكوردىن جاڭارتۋعا مٷمكٸندٸك بەردٸ.
نەتيجەسٸندە موروزوۆا 12-شٸ ورىنعا جايعاستى.
500 مەتر قاشىقتىقتا ۆ ديۆيزيونىندا ٶتكەن جارىستا قازاقستان ٶكٸلٸ ەكاتەرينا ايدوۆا سىنعا تٷستٸ. قازاقستاندىق اتلەت 38.078 نەتيجە كٶرسەتٸپ, بەسٸنشٸ ورىندى يەلەندٸ.
ەرلەر اراسىندا 500 مەتر قاشىقتىقتا ۆ ديۆيزيونىندا قازاقستاندىق سپورتشىلار اراسىندا يۆان ارجانيكوۆ ٷزدٸك نەتيجە كٶرسەتتٸ. ول 16-شى ورىننان كٶرٸندٸ. قورىتىندى حاتتامادا رومان كرەچ 31-شٸ, ەۆگەنيي كوشكين 34-شٸ قاتارمەن جارىستى اياقتادى.
