Sońǵy on jylda álem boiynsha aýyz sýǵa tapshylyǵynyń kórsetkishi ósti. Sýdyń jetispeýshiligi men ekstremaldy aýa raiy Taiaý Shyǵys pen Úndistanda osy máselege qatsty shielenisti kúsheitti, dep habarlaidy The Guardian basylymy.
Avtordyń aitýynsha, sońǵy on jylda sýǵa qatysty zorlyq-zombylyq oqiǵalary aldyńǵy onjyldyqqa qaraǵanda eki ese artqan. Bul týraly Kaliforniia ǵalymdary zertteý júrgizdi.
«Bul tendentsiia halyq sanynyń artýy, ekstremaldy aýa raiy, klimattyq daǵdarys nátijesinde paida bolǵan alańdaýshylyqty sýretteidi», dep jazady basylym.
Avtordyń aitýynsha, 1980 jyly qurylǵan baza sýdyń qarý nemese shielenis quraly, tipti áskeri triggerge ainalǵan kezderi bolǵanyn baiqaýǵa bolady.
«Mysaly, byltyr maýsym aiynda Ýkrainada Gorlovaka sý qubyryna shabýyl jasalyp, 3 mln adamnyń sýǵa qoljetimdiligi kemidi, 2017 jyly Úndistanda sýǵa qatysty narazylyqta bes fermer atyldy, 2012 jyly Batys Papýada sý tsisternalary atqylandy. Ótken onjyldyqta sýǵa qatysty qastandyq oqiǵalary Irak, Iemen, Afrikadaǵy Sahelia aýdanynda da boldy», dep jazady basylym.
Avtor sózine sensek, Álemdik resýrstar institýtynyń ǵalymdary álem halqynyń tórtten biri turatyn 17 memlekette sý tapshylyǵy órship turǵanyn aitqan.
