Búgin «Otandastar qory» KEAQ prezidenti Nurtai Ábiqaev pen «Qazaqtelekom» AQ basqarma tóraǵasy Qýanyshbek Esekeev álem elderindegi qandastarymyzǵa kómek kórsetý maqsatynda ózara áriptestik jáne seriktestik qatynastardy nyǵaitý týraly memorandýmǵa qol qoidy.
Atalǵan memorandýmnyń máni sheteldegi jáne Otanyna oralǵan qazaqtarǵa kómek kórsetýge arnalǵan Biregei Bailanys-ortalyǵy biryńǵai qyzmetin qurý bolyp tabylady.
Qujat taraptardyń arasyndaǵy seriktestik qatynastardy, jobany júzege asyrý jáne Bailanys-ortalyqqa tehnikalyq qoldaý kórsetý boiynsha ózara yqpaldastyqty kózdeidi. «Qazaqtelekom» AQ aqparattyq-kommýnikatsiialyq seriktes rólin atqara otyryp, Bailanys-ortalyǵyn uiymdastyrýǵa arnalǵan baǵdarlamalyq jáne apparattyq jaraqtandyrýdyń qajetti spektrin usyndy, atap aitqanda: bailanys telefondary jelileri, baǵdarlamalyq jaraqtandyrý, Bailanys-ortalyqtyń operatorlaryn usyný, jańa tehnologiialardy qoldaný múmkindikterin esepke ala otyryp, keńestik jáne basqa da birqatar qyzmetter kórsetýdi usynady. Sonymen qatar, qazaqstandyq uialy operatorlar nómirlerinen tegin qońyraý shalý múmkindigi qarastyrylǵan.
Qysqa merzimdi keleshekte, Bailanys-ortalyǵy «bir tereze» qaǵidaty boiynsha qyzmetter kórsetip, Qazaqstan azamattyǵyn alý, «oralman» mártebesin alý, áleýmettik jeńildikter men tólemderdi, memlekettik kómekti taǵaiyndaý, sondai-aq oralmandar men immigranttardy jumyspen qamtýdyń aimaqtyq kvotalaryna qosý tártibi jáne t.b. memlekettik qyzmetterdi kórsetý máseleleri boiynsha keńester usynatyn bolady.
Sondai-aq jobanyń tujyrymdamasyna sáikes, Biregei Bailanys-ortalyǵy integratsiialyq jáne beiimdeý qyzmetterin kórsetý, quzyretti organdarǵa qoldanystaǵy zańnamany jetildirý boiynsha, sheshimder men otandastarǵa kómek kórsetýge arnalǵan baǵdarlamalyq qujattardy ázirleý boiynsha aqparatty jinaqtaýǵa jáne taldaý jasaýǵa negizgi element bolady. Iaǵni, Biregei Bailanys-ortalyǵy, teńdesi joq áleýmettik joba. Sonymen qatar, Qor kómekterdiń barlyq qoldanystaǵy túrlerin Biregei Bailanys-ortalyǵynda shoǵyrlandyrý boiynsha keshendi jumys júrgizýde. Bul úshin qalalar men oblystardyń ákimdikteri, ulttyq kompaniialar, «Atameken» UKP, «Damý» kásipkerlikti damytý qory, «Zerde» jáne «QazAgro» holdingteri, sondai-aq olardyń enshiles qurylymdary tárizdi memlekettik jáne memlekettik emes mekemelermen seriktestik qatynastaryn ornatý ústinde.
Mundai áriptestiktiń maqsaty qoldanýshylary bizdiń otandastar bolyp tabylatyn tehnologiialardy ilgeriletý jáne biznes ashý máseleleri boiynsha keńestik kómek usyný bolyp tabylady. Bailanys-ortalyǵy 1404 (uialy qońyraýlar úshin), 8-800-080-1404 (Qazaqstan boiynsha qońyraýlar úshin), +7 (7172) 981404 (Qazaqstan jáne shetelden shalynatyn qońyraýlar úshin) nómirleri boiynsha qoljetimdi. Qazirgi kezde qyzmet testileý jáne suraqtar men jaýaptar negizin tolyqtyrýdy qamtityn tehnikalyq iske qosýdy júzege asyrdy.
Seriktestik qatynastar Bailanys-ortalyqtyń jumysyn odan ári damytý men keńeitýdi kózdep, keleshekte memlekettik organdar men úkimettik emes sektordyń barlyq aqparattyq júielerimen birigýi josparlanýda. Keleshekte, paidalanýshylarǵa qolaily bolý úshin, WhatsApp jáne Telegram messendjerleri arqyly kommýnikatsiianyń qosymsha arnalary jetildiriletin bolady, sondai-aq Skype qońyraýlarǵa arnalǵan quralynyń kómegimen keńes alýǵa bolady. «Búgingi tańda QR Tuńǵysh Prezidenti - Elbasy N.Á. Nazarbaevtyń tapsyrmasy boiynsha irgesi qalanǵan «Otandastar qory» tarihi Otandaryna oralǵan, sondai-aq shetelderde turatyn otandastarǵa kómek pen qoldaý kórsetýge baǵyttalǵan birqatar jobalardy júzege asyrýda.
Qordyń negizgi mindetteriniń biri Qazaqstanǵa oralǵanda otandastarymyzǵa beiimdelýlerine jáne áleýmettenýlerine is júzinde kómektesý. Bul jaǵdaida Biregei Bailanys-ortalyǵy qyzmetin qurý ózine qajetti kómekti shoǵyrlandyryp ǵana qoimai, sonymen qatar oralmandar men sheteldegi diasporalar máselelerin sapaly sheshý boiynsha memlekettik baǵdarlamalar men sharalardy ázirleýge arnalǵan aqparattyń kózine ainalýdy kózdeidi. Mundai qyzmettiń paida bolýy memlekettiń otandastarǵa kómek kórsetý degen kózqarasynyń deńgeiin kórsetý. Búgingi «Qazaqtelekommen» áriptestikte uiymdastyrylǵan Biregei Bailanys-ortalyǵynyń tehnikalyq ashylýy, bolashaqta arnaiy memlekettik baǵdarlama túrinde nyq júielik sipatqa ie bolatyn, bizdiń taraptan otandastarǵa qoldaý kórsetýdiń is júzindegi áreketterimizdiń taǵy da bir qadamy bolady», - dep atap ótti «Otandastar qory» KEAQ Prezidenti Nurtai Ábiqaev.
Resmi derekter boiynsha, táýelsizdik jyldary boiyna tarihi otanyna Qazaqstanǵa (1991 jyl men 2018 jyl aralyǵynda – QR EHÁQM derekteri) 1 millionnan astam adam – qonys aýdarý boiynsha memlekettik baǵdarlama sheńberinde, sonymen birge ózderi qaityp oralǵan eken. Sońǵy ýaqytta qalyptasqan etnikalyq qazaqtardyń tarihi otanyna kóshýge niet bildirýshilerdiń aitarlyqtai ósý úrdisi maqsatty aýditoriia arasynda osy bailanys ortalyǵy qyzmetteriniń joǵary qajettiligin rastaidy.
«Biz atalmysh memorandým boiynsha áriptestik aiasynda tiimdi, ózara yntymaqtastyqqa arnalǵan qolaily sharttar jasaýǵa umtylatyn bolamyz. Atalmysh joba úlken áleýmettik mánge ie, biz oǵan qatysa otyryp, infraqurylymdyq mýltiservistik operator retinde, atalmysh jobanyń damýyna qosatyn úlesimizdiń mańyzdylyǵyn túsinemiz»,- dep atap ótti«Qazaqtelekom» AQ Basqarma tóraǵasy Qýanyshbek Esekeev.
Memorandýmǵa qol qoiý barysynda taraptar sondai-aq birlesken sharalardy ótkizýdiń bolashaǵyn da talqylady. Ózara árekettestik kezeńi 2022 jylǵa deiin dep belgilendi.
