Koronavirýs juqtyrýdyń jańa jaǵdailarynyń kóbeiýine bailanysty birqatar elder karantindik sharalardy qataitty. Buǵan deiin Dúniejúzilik densaýlyq saqtaý uiymy (DSU) kóptegen elderde jaǵdai nasharlap bara jatqanyn málimdegen bolatyn, dep habarlaidy BBC agenttigi.
Amerikanyń Kaliforniia shtatynda barlyq meiramhana, kóńil kóterý oryndary, haiýanattar baǵy men murajailar jabyldy.
Úndistannyń Bangalor qalasynda bir aptalyq karantin engizildi.
Iran astanasy Tegeranda da karantin jeti kúnge uzartyldy. Ýniversitetter, mektepter, kitaphanalar, sulýlyq salondary, meshitter, kinoteatrlar, teatrlar men murajailar jabyldy. Barlyq mádeni-kóńil kóterý jáne dini sharalar ýaqytsha toqtatyldy.
Gonkongta turǵyndarǵa áleýmettik qashyqtyqty saqtaý týraly sheshim uiǵaryldy. Ashylǵanyna bir ai bolǵan «Disneilend» taǵy da jabyldy.
Morokkonyń Tanjer qalasynda karantin engizildi.
Ońtústik Afrika Respýblikasynda komendanttyq saǵat júrip jatyr.
Kolýmbiia astanasy Bogotanyń keibir aýdandarynda eki aptalyq karantin engizilgen.
Aýstraliianyń 5 mln jýyq turǵyny bar Melbýrn qalasy alty aptalyq karantinde. Qala ornalasqan Viktoriia shtaty kórshiles Jańa Ońtústik Ýels jáne Ońtústik Avstraliia shtattarymen shekaralaryn japty.
Izrail men Batys jaǵalaýda shekteý engizilgen.
Ózbekstanda karantin 10 shildeden bastap engizilgen. Ol 1 tamyzǵa deiin jalǵasady. Angliiada 24 shildeden bastap dúkenge kelýshiler maska taǵýǵa mindetteledi, dep málimdedi Britaniianyń densaýlyq saqtaý ministri Mett Henkok.
Erejeni buzǵandar úshin 100 fýnt (125 dollar) kóleminde aiyppul qarastyrylǵan.
Buǵan deiin ǵalymdar áreketsizdik jaǵdaiynda koronavirýstyń ekinshi tolqyny taǵy 120 myń britandyq azamattyń ómirin qiyp áketýi múmkin dep eskertken edi. Britaniiada Covid-19 virýsynan 45 myńǵa jýyq adam qaitys boldy. Bul – Eýropadaǵy eń joǵary kórsetkish. Indet juqtyrý oqiǵalarynyń sany jaǵynan ekinshi orynda Braziliia tur. Aptanyń sońyna qarai onda pandemiia bastalǵannan beri aýrý juqtyrǵandar sany 2 million adamnan asýy yqtimal.
