Álemde koronavirýs keń tarady. Degenmen, oǵan qarsy sharalar birdei. Eýropa, AQSh, Úndistan, Qytai karantinde jatqan adamdardy qalai baqylaidy? Bul máseleni Der Spiegel zerttep kórdi.
«Gonkongte karantindegi azamattar elektrondy braslet taǵady. Qytaida páter esiginiń aldyna 14 kúnge kamera ornatylady. Sonymen qatar Qytai kúnine 116 mln maska shyǵaratyndyqtan, azamattardyń barlyǵy maska taǵady. Ońtústik Koreiada pandemiia bastalǵaly maskalar suranysta bolǵanymen, qazir memleket maska satylymyna baqylaý engizgen. Munda bir adam bir aptada eki maska ǵana satyp ala alady, sonymen qatar jeke kýálik kórsetý mindettelgen», - dep jazady avtor.
Onyń aitýynsha, Ońtústik Koreiada adamdardyń júrip-turýy shektelgenimen, azamattar 2 metr araqashyqtyqty saqtaýǵa tyrysady.
«Máskeýde azamattar tek meditsnalyq kómek alý úshin nemese dúkenge barý úshin ǵana úiinen shyǵa alady. Degenmen, bul mindettelmegendikten, talaptyń oryndalýy da qiynǵa soǵyp jatyr. Al Ispaniiada itter defitsiti baiqalady. Munyń sebebi – bul memlekette tek úi janýaryn dalaǵa shyǵarýǵa ǵana ruqsat berilgen. Basqa jaǵdaida 600-den 30 myń evroǵa deiin aiyppul tólenedi», - dep jazady avtor.
Al Italiiada áleýmettik daǵdarys dendep barady. Sondyqtan úkimet kómek qajet etetin azamattarǵa azyq-túlik kartochkasyn taratyp jatyr. Memleket tegin azyq-túlik taratý maqsatyna 400 mln evro bólgen.
«Al Parijde úisizderge aqsha berý sap tyiyldy. Degenmen, úkimet olardy ornalastyrý úshin qonaqúilerden oryn daiyndap jatyr. Bul infektsiia juqtyrý kórsetkishin azaitý maqsatynda qolǵa alynyp otyr. AQSh-ta da úi-kúii joqtar zamanaýi qonaqúilerge ornalasý múmkindigine ie bolýy múmkin. San-Frantsisko myńdaǵan qonaq úi nómirin úisizderdi ornalastyrýǵa nemese koroanvirýspen aýyratyndardy jatqyzýǵa daiyndap jatyr. Al Niý-Iorkte Manhettendegi konferentsiia ortalyǵy myń adamǵa arnalǵan ýaqytsha aýrýhanaǵa ainalady. Degenmen, munyń ózi jetkiliksiz. Niý-Iorkte 140 myń oryn qajet, al qazir tek 53 myńy bar», - dep jazady avtor.
Onyń aitýynsha, Avstriia astanasy Vena qalasynda politsiia qart adamdarǵa dúkennen azyq-túlik ákelip beredi. Al Úndistanda karantinde jatqan adamdardyń qolyna arnaiy belgi qoiylady. Osylaisha olardan azamattar aýlaq júrip, beimaral júrgenderdi politsiiaǵa tapsyra alady.
