Koronavirýs indeti saldarynan bolǵan daǵdarystan keiin álem ekonomikasyn qalpyna keltirýge bes jylǵa deiin ýaqyt qajet bolýy múmkin. Bul týraly Dúniejúzilik banktiń bas ekonomisi Karmen Reinhart málimdedi, dep habarlaidy Reuters agenttigi.
«Karantinge bailanysty qoiylǵan shekteýler alynǵannan keiin jedel qalpyna kelý protsesi bastalady, biraq tolyq qalpyna keltirý úshin bes jylǵa jýyq ýaqyt qajet bolady», - dedi Karmen Reinhart.
Sondai-aq mamannyń aitýynsha, pandemiiadan týyndaǵan daǵdarys kei elderde uzaqqa sozylyp, teńsizdik máselesi ýshyǵyp ketýi múmkin. Sebebi daǵdarystan bai elderge qaraǵanda kedei elder kóbirek zardap shegedi.
Karmen Reinhart 20 jylda alǵash ret daǵdarystan keiin álemdegi kedeilik deńgeiiniń artatynyn atap ótti.
