Bokstan Tokio olimpiadasynyń qola júldegeri, álem chempiony Sáken Bibosynovqa Túrkistannan eki bólmeli páter berildi, dep habarlaidy QazAqparat.
«Túrkistandy túletken» atty jyl qorytyndysyna arnalǵan is sharada oblys ákimi Ómirzaq Shókeev boksshyǵa páter kiltin tabys etti. Páter «Syrdariia» turǵyn úi kesheninde ornalasqan. «Alda Túrkistanǵa qonys aýdaramyn. Osynda jattyǵamyn. Jańadan qurylyp jatqan «Turan» boks klýbynda jattyǵý jasap, ári jastarǵa sheberlik sabaǵyn ótkizýdi josparlap otyrmyn», - deidi Sáken Bibosynov.
Aita keteiik, Tokioda ótken Olimpiada oiyndarynyń qola júldegeri, Serbiianyń Belgrad qalasynda ótken álem chempionatynda altyn medal ielengen Sáken Bibosynov ómirindegi jaqsy jańalyqtar jaiynda bizdiń agenttikke suhbat bergen bolatyn.
