2 jeltoqsan kúni Almaty qalasyndaǵy «Balýan Sholaq» sport saraiynda QR Tuńǵysh Prezidenti kúnine orailastyrylǵan qazaq kúresinen absoliýtti «Álem barysy» chempionaty ótedi, – dep habarlaidy «Qazaqstan Barysy» qazaq kúresin damytý jáne qoldaý qorynyń baspasóz qyzmeti.
Chempionat Qazaqstannyń tarihi jáne mádeni murasyn damytý, shet elderde qazaq kúresin damytý barysyndaǵy yntymaqtastyq pen ózara bailanysyn nyǵaitý, qazaq kúresin halyqaralyq deńgeide odan ári jetildirý, nasihattaý jáne bedelin kóterý, qazaq kúresinen «Álem barysyn» anyqtaý maqsatynda júzege asyrady.
Tórtinshi ret ótetin básekege 30 elden 33 balýan qatysady. «Álem Barysy» atanýǵa AQSh, Avstraliia, Azerbaijan, Braziliia, Grekiia, Grýziia, Úndistan, Iran, Ispaniia, Italiia, Kamerýn, Kongo, Koreia, Kýba, Qyrǵyzstan, Litva, Mońǵoliia, Niderlandy, Pákistan, Polsha, Resei, Sloveniia,Tájikstan, Túrkimenstan, Túrkiia, Ózbekstan, Ýkraina, Estoniia, Iaponiia sekildi elderdiń jáne Qazaqstannyń ataqty balýandary qatysady.
Bul synda elimizdiń namysyn A.Nuǵymarov (ShQO), R.Ábdirazaqov (Almaty qalasy), A.Seiten (Nur-Sultan qalasy), N.Jarylǵapov (Mańǵystaý oblysy) syndy balýandar qorǵaidy. «Álem barysy» chempionaty 2 jeltoqsanda 13:00-de balýandardyń jerebe tartý rásiminen bastalmaq. Shara aiasynda kórermenderge sporttyq saiystarmen qatar qazaqstandyq estrada juldyzdarynyń qatysýymen kontserttik baǵdarlama usynylady.
«Álem barysy» chempionatynyń biylǵy júlde qory 20 million teńgeni quraidy. Jeńimpaz atanǵan balýanǵa 10 mln teńge jáne altyn belbeý, ekinshi oryn iegerine 6 mln teńge jáne úshinshi oryn iegerine 3 mln teńge, sáikesinshe kúmis jáne qola belbeýlermen marapattalady. Al, «kórermen kózaiymy» atanǵan sportshyǵa 1 mln teńge beriledi.
Sondai-aq, jyldaǵy dástúrge sai jankúierler arasynda avtokólik oinatylady. Biletter zakazbiletov.kz saitynda satylýda. Baǵasy 500 teńge men 2000 teńge aralyǵynda.
Chempionatty Almaty qalasy ákimdiginiń qoldaýymen, QR Mádeniet jáne sport ministrliginiń Sport jáne dene shynyqtyrý isteri komiteti, QR qazaq kúresi federatsiiasy jáne «Qazaqstan Barysy» qazaq kúresin damytý jáne qoldaý qory uiymdastyrýda. Sonymen qatar, «Qazaqtelekom» AQ, «ORDA-INVEST» Korporatsiiasy jáne «Sátti juldyz» AQ demeýshilik jasaidy.
