QR Densaýlyq saqtaý ministri Aleksei Tsoi óńirlerdegi densaýlyq saqtaý basqarmalaryn sáýir aiynda koronavirýsqa qarsy bólinetin vaktsinanyń aýqymdy kólemin qabyldaýǵa daiyn bolýǵa shaqyrdy, dep habarlaidy "Ult aqparat".
«Qazir Qazaqstan boiynsha 150 myń doza jetkizilip jatyr, 600 myń doza óndirilip shyǵaryldy, iaǵni 750 myń doza Qaraǵandy zaýytynda bar dep aitýǵa bolady. Endi onyń barlyǵyn óńirlerge jetkizý kerek. Meniń oiymsha, apta ishinde bul kólem iske asyrylady. Budan bólek, aldaǵy aiǵa 1 mln dozany Qaraǵandy farmatsevtika zaýyty elge arnap shyǵarady, oǵan qosa 2 mln doza bar. Atap aitqanda, sáýir aiynda 3 mln doza elimizde bolady», - dedi A. Tsoi Almatyda ótken KVI-men kúres máselelerine arnalǵan jiynda.
Onyń aitýynsha, qazirgi ýaqytta Pfizer kompaniiasymen de tiisti kelissózder júrip jatyr.
«Bir aptadan keiin bul kólem jetkiziledi. Osydan keiin vaktsina az jetkizildi dep aitý qisynsyz bolady. Bastapqy kezeńde halyq sený úshin vaktsina tiisti kólemde jetkizildi. Qazirgi kezde halyqtyń vaktsinaǵa degen senimi paida boldy, endi adamdar vaktsina qoidyrýdy surap otyr. Ekpeniń qaýipsiz ekeni, tekserilgeni kórindi», - dedi ministr.
«1 sáýirden vaktsinalaý boiynsha esepteýishti iske qosýdy bastaimyz. Osy oraida qansha vaktsina kelip túskeni, qansha ekpe salynǵany týraly kún saiyn esep júrgizilýi tiis. Sizderde tiisti jumystardy atqarý úshin bir apta ýaqyt bar, barynsha daiyn bolý kerek», - dedi A. Tsoi.
Eske sala keteiik, 26 naýryzda Almatyda qala ákimi Baqytjan Saǵyntaevtyń tóraǵalyǵymen QR Densaýlyq saqtaý ministri Tsoidyń qatysýymen ótken alqaly jiynda megapolistiń COVID-19-ǵa qarsy is-qimyldyń júieli máseleleri qaraldy.
