قر دەنساۋلىق ساقتاۋ مينيسترٸ الەكسەي تسوي ٶڭٸرلەردەگٸ دەنساۋلىق ساقتاۋ باسقارمالارىن سەۋٸر ايىندا كوروناۆيرۋسقا قارسى بٶلٸنەتٸن ۆاكتسينانىڭ اۋقىمدى كٶلەمٸن قابىلداۋعا دايىن بولۋعا شاقىردى, دەپ حابارلايدى "ۇلت اقپارات".
«قازٸر قازاقستان بويىنشا 150 مىڭ دوزا جەتكٸزٸلٸپ جاتىر, 600 مىڭ دوزا ٶندٸرٸلٸپ شىعارىلدى, ياعني 750 مىڭ دوزا قاراعاندى زاۋىتىندا بار دەپ ايتۋعا بولادى. ەندٸ ونىڭ بارلىعىن ٶڭٸرلەرگە جەتكٸزۋ كەرەك. مەنٸڭ ويىمشا, اپتا ٸشٸندە بۇل كٶلەم ٸسكە اسىرىلادى. بۇدان بٶلەك, الداعى ايعا 1 ملن دوزانى قاراعاندى فارماتسەۆتيكا زاۋىتى ەلگە ارناپ شىعارادى, وعان قوسا 2 ملن دوزا بار. اتاپ ايتقاندا, سەۋٸر ايىندا 3 ملن دوزا ەلٸمٸزدە بولادى», - دەدٸ ا. تسوي الماتىدا ٶتكەن كۆي-مەن كٷرەس مەسەلەلەرٸنە ارنالعان جيىندا.
ونىڭ ايتۋىنشا, قازٸرگٸ ۋاقىتتا Pfizer كومپانيياسىمەن دە تيٸستٸ كەلٸسسٶزدەر جٷرٸپ جاتىر.
«بٸر اپتادان كەيٸن بۇل كٶلەم جەتكٸزٸلەدٸ. وسىدان كەيٸن ۆاكتسينا از جەتكٸزٸلدٸ دەپ ايتۋ قيسىنسىز بولادى. باستاپقى كەزەڭدە حالىق سەنۋ ٷشٸن ۆاكتسينا تيٸستٸ كٶلەمدە جەتكٸزٸلدٸ. قازٸرگٸ كەزدە حالىقتىڭ ۆاكتسيناعا دەگەن سەنٸمٸ پايدا بولدى, ەندٸ ادامدار ۆاكتسينا قويدىرۋدى سۇراپ وتىر. ەكپەنٸڭ قاۋٸپسٸز ەكەنٸ, تەكسەرٸلگەنٸ كٶرٸندٸ», - دەدٸ مينيستر.
«1 سەۋٸردەن ۆاكتسينالاۋ بويىنشا ەسەپتەۋٸشتٸ ٸسكە قوسۋدى باستايمىز. وسى ورايدا قانشا ۆاكتسينا كەلٸپ تٷسكەنٸ, قانشا ەكپە سالىنعانى تۋرالى كٷن سايىن ەسەپ جٷرگٸزٸلۋٸ تيٸس. سٸزدەردە تيٸستٸ جۇمىستاردى اتقارۋ ٷشٸن بٸر اپتا ۋاقىت بار, بارىنشا دايىن بولۋ كەرەك», - دەدٸ ا. تسوي.
ەسكە سالا كەتەيٸك, 26 ناۋرىزدا الماتىدا قالا ەكٸمٸ باقىتجان ساعىنتاەۆتىڭ تٶراعالىعىمەن قر دەنساۋلىق ساقتاۋ مينيسترٸ تسويدىڭ قاتىسۋىمەن ٶتكەن القالى جيىندا مەگاپوليستٸڭ COVID-19-عا قارسى ٸس-قيمىلدىڭ جٷيەلٸ مەسەلەلەرٸ قارالدى.
