Búgin QR Densaýlyq saqtaý ministri Aleksei Tsoi BUU Ekonomikalyq jáne áleýmettik keńesiniń (EKOSOS) joǵary deńgeidegi «Barshaǵa arnalǵan vaktsinalar» atty vaktsinatsiia problemasyna arnalǵan kezdesýine qatysty.
Bul týraly "Ult aqparat" QR Densaýlyq saqtaý minstrliginiń Facebook paraqshasyna silteme jasap habarlaidy.
EKOSOS Halyqaralyq ekonomikalyq jáne áleýmettik máselelerdi talqylaý jáne densaýlyq saqtaý salasyndaǵy jahandyq problemalardy sheshý joldaryn qosa alǵanda, múshe memleketter men Birikken Ulttar Uiymy júiesine arnalǵan usynymdardy ázirleý úshin tiimdi alań retinde tanymal.
Álemde vaktsinalardyń birkelki bólinbeý jaǵdaiyn talqylaý aiasynda Aleksei Tsoi kóterilgen máseleniń ózektiligin atap ótip málimdeme jasady.
«Álem COVID-19-ben kúresýde. Pandemiianyń aýyrtpalyǵy barlyq elderge, ásirese erekshe jaǵdaidaǵy, sonyń ishinde teńizge shyǵar joly joq damýshy elderge teris áser etedi. Sonymen birge, COVID -19 vaktsinalaryna qol jetimdiliktiń teńsizdigi kedei jáne bai elder arasyndaǵy alshaqtyqty odan ári tereńdetedi. Biz bas hatshy Antoniý Gýterrish pen Dúniejúzilik densaýlyq saqtaý uiymynyń birlesken jumysy úshin «GAVI» (vaktsinalar men immýndaý jónindegi jahandyq alians) jáne «CEPI» (vaktsinalardy ázirleý jónindegi halyqaralyq alians) COVAX bastamasynyń ortaq maqsattaryna jetý jónindegi kúsh - jigerin joǵary baǵalaimyz», - dedi ol.
Qazaqstan Respýblikasynyń Densaýlyq saqtaý ministri usynylǵan múmkindikti paidalana otyryp, iri ekonomikalardy, halyqaralyq qarjy mekemelerin jáne basqa da múddeli taraptardy álemniń osy máseledegi eń osal elderiniń vaktsinalaryna teń qol jetkizýdi qamtamasyz etý úshin eleýli qadamdar jasaýǵa shaqyrdy.
Aleksei Tsoi óz halqyn vaktsinalarmen qamtamasyz etken elderdi endi eń osal memleketterge kómektesýge shaqyrdy. Sondai-aq, ol COVAX deldaldaryn erekshe jaǵdaiǵa tap bolǵan elder úshin dozalardyń paiyzdyq mólsherin arttyrýdy qarastyrýǵa shaqyrdy. Buǵan COVAX qorynyń úzdiksiz jáne boljamdy jumysyna kepildik beretin iri ekonomikalar klýbynyń ósýi men belsendi qarjylandyrýy arqyly qol jetkizýge bolady.
Sonymen qatar, Aleksei Tsoi Vaktsinalar men dári-dármekterdi qosa alǵanda, arzan meditsinalyq ónimderge ýaqtyly qol jetkizýdi nemese negizgi meditsinalyq ónimderdi zertteý, ázirleý, óndirý jáne jetkizý aýqymyn keńeitýdi qosa alǵanda DSU múshelerin COVID-19-ben kúres qimyldaryn talapqa sai atqarý úshin TRIPS-tiń tiisti mindettemelerinen ýaqytsha bas tartýǵa shaqyrý týraly atap ótti.
