بٷگٸن قر دەنساۋلىق ساقتاۋ مينيسترٸ الەكسەي تسوي بۇۇ ەكونوميكالىق جەنە ەلەۋمەتتٸك كەڭەسٸنٸڭ (ەكوسوس) جوعارى دەڭگەيدەگٸ «بارشاعا ارنالعان ۆاكتسينالار» اتتى ۆاكتسيناتسييا پروبلەماسىنا ارنالعان كەزدەسۋٸنە قاتىستى.
بۇل تۋرالى "ۇلت اقپارات" قر دەنساۋلىق ساقتاۋ مينسترلٸگٸنٸڭ Facebook پاراقشاسىنا سٸلتەمە جاساپ حابارلايدى.
ەكوسوس حالىقارالىق ەكونوميكالىق جەنە ەلەۋمەتتٸك مەسەلەلەردٸ تالقىلاۋ جەنە دەنساۋلىق ساقتاۋ سالاسىنداعى جاھاندىق پروبلەمالاردى شەشۋ جولدارىن قوسا العاندا, مٷشە مەملەكەتتەر مەن بٸرٸككەن ۇلتتار ۇيىمى جٷيەسٸنە ارنالعان ۇسىنىمداردى ەزٸرلەۋ ٷشٸن تيٸمدٸ الاڭ رەتٸندە تانىمال.
ەلەمدە ۆاكتسينالاردىڭ بٸركەلكٸ بٶلٸنبەۋ جاعدايىن تالقىلاۋ اياسىندا الەكسەي تسوي كٶتەرٸلگەن مەسەلەنٸڭ ٶزەكتٸلٸگٸن اتاپ ٶتٸپ مەلٸمدەمە جاسادى.
«ەلەم COVID-19-بەن كٷرەسۋدە. پاندەمييانىڭ اۋىرتپالىعى بارلىق ەلدەرگە, ەسٸرەسە ەرەكشە جاعدايداعى, سونىڭ ٸشٸندە تەڭٸزگە شىعار جولى جوق دامۋشى ەلدەرگە تەرٸس ەسەر ەتەدٸ. سونىمەن بٸرگە, COVID -19 ۆاكتسينالارىنا قول جەتٸمدٸلٸكتٸڭ تەڭسٸزدٸگٸ كەدەي جەنە باي ەلدەر اراسىنداعى الشاقتىقتى ودان ەرٸ تەرەڭدەتەدٸ. بٸز باس حاتشى انتونيۋ گۋتەرريش پەن دٷنيەجٷزٸلٸك دەنساۋلىق ساقتاۋ ۇيىمىنىڭ بٸرلەسكەن جۇمىسى ٷشٸن «GAVI» (ۆاكتسينالار مەن يممۋنداۋ جٶنٸندەگٸ جاھاندىق اليانس) جەنە «CEPI» (ۆاكتسينالاردى ەزٸرلەۋ جٶنٸندەگٸ حالىقارالىق اليانس) COVAX باستاماسىنىڭ ورتاق ماقساتتارىنا جەتۋ جٶنٸندەگٸ كٷش - جٸگەرٸن جوعارى باعالايمىز», - دەدٸ ول.
قازاقستان رەسپۋبليكاسىنىڭ دەنساۋلىق ساقتاۋ مينيسترٸ ۇسىنىلعان مٷمكٸندٸكتٸ پايدالانا وتىرىپ, ٸرٸ ەكونوميكالاردى, حالىقارالىق قارجى مەكەمەلەرٸن جەنە باسقا دا مٷددەلٸ تاراپتاردى ەلەمنٸڭ وسى مەسەلەدەگٸ ەڭ وسال ەلدەرٸنٸڭ ۆاكتسينالارىنا تەڭ قول جەتكٸزۋدٸ قامتاماسىز ەتۋ ٷشٸن ەلەۋلٸ قادامدار جاساۋعا شاقىردى.
الەكسەي تسوي ٶز حالقىن ۆاكتسينالارمەن قامتاماسىز ەتكەن ەلدەردٸ ەندٸ ەڭ وسال مەملەكەتتەرگە كٶمەكتەسۋگە شاقىردى. سونداي-اق, ول COVAX دەلدالدارىن ەرەكشە جاعدايعا تاپ بولعان ەلدەر ٷشٸن دوزالاردىڭ پايىزدىق مٶلشەرٸن ارتتىرۋدى قاراستىرۋعا شاقىردى. بۇعان COVAX قورىنىڭ ٷزدٸكسٸز جەنە بولجامدى جۇمىسىنا كەپٸلدٸك بەرەتٸن ٸرٸ ەكونوميكالار كلۋبىنىڭ ٶسۋٸ مەن بەلسەندٸ قارجىلاندىرۋى ارقىلى قول جەتكٸزۋگە بولادى.
سونىمەن قاتار, الەكسەي تسوي ۆاكتسينالار مەن دەرٸ-دەرمەكتەردٸ قوسا العاندا, ارزان مەديتسينالىق ٶنٸمدەرگە ۋاقتىلى قول جەتكٸزۋدٸ نەمەسە نەگٸزگٸ مەديتسينالىق ٶنٸمدەردٸ زەرتتەۋ, ەزٸرلەۋ, ٶندٸرۋ جەنە جەتكٸزۋ اۋقىمىن كەڭەيتۋدٸ قوسا العاندا دسۇ مٷشەلەرٸن COVID-19-بەن كٷرەس قيمىلدارىن تالاپقا ساي اتقارۋ ٷشٸن TRIPS-تٸڭ تيٸستٸ مٸندەتتەمەلەرٸنەن ۋاقىتشا باس تارتۋعا شاقىرۋ تۋرالى اتاپ ٶتتٸ.
