Koronavirýs pandemiiasynyń qurbandaryn ulttyq aza tutý kúni Densaýlyq saqtaý ministri Aleksei Tsoi osy indettiń saldarynan jaqyndarynan, týǵan-týys, baýyrlarynan, áriptesterinen aiyrylǵan elimizdiń barsha turǵyndaryna kóńil aitty.
Ministr COVID-19 endetiniń elimizdiń júzdegen azamatynyń ómirin qiǵanyn jariia etti, dep habarlaidy "Ult aqparat" QR Densaýlyq saqtaý ministrliginiń baspasóz qyzmetine silteme jasap.
«Osy kúnderi meniń áriptesterim – dárigerler men meditsina qyzmetkerleri ómirden ozdy, máńgilikke kóz jumdy, olar kútpegen qaýip-qatermen betpe-bet keldi, sońǵy demderi qalǵansha kúresti. Bul qaiǵyly jaǵdai - biz úshin orny tolmas qaza. Olar ómiriniń sońyna deiin dárigerlik boryshyn janqiiarlyqpen atqardy. Bizdiń esimizde olar máńgi naǵyz batyr bolyp qalady», - dedi A.Tsoi.
Ministr bul indetti toqtatý úshin oǵan sebepker bolyp otyrǵan pandemiiamen kúreste serpindi jáne tiimdi sharalar qajet ekenin atap ótti.
«Osy qaýip-qaterdi toqtatý úshin men jáne meniń áriptesterimiz táýlik boiy jumysymyzdy jalǵasatyrýdamyz» – dep málimdedi ministr.
Úkimet meditsinalyq uiymdarǵa jáne dárihanalarǵa qajetti dári-dármekterdi jetkizý boiynsha shuǵyl sharalar qabyldaýda, qosymsha tósek oryndar uiymdastyrylýda, sheteldik sarapshylarmen birlesip koronavirýsty emdeý ádisteri jan-jaqty zerdelenýde jáne jetildirilýde. Ol sondai-aq qazaqstandyqtardy qoldan keler kómekteri bolsa osy indetpen kúresýde belsendi atsalysýǵa shaqyrdy jáne eriktiler men belsendi azamattardyń mańyzdy rólin atap ótti.
«Biz birgemiz, biz panedmiiamen jeńip shyǵý úshin barlyq kúsh-jigerimizdi jumyldyramyz. Biz bul qiyndyqty jumyla otyryp, jeńe alatynymyzǵa senimdimin» – dep elimizidiń bas dárigeri Aleksei Tsoi sózin túiindedi.
Aita keteiik, elimizdiń Densaýlyq saqtaý ministrligi búgin koronavirýs indetimen kúres jolynda baqilyq bolǵan barlyq dárigerlerdiń tizimin jariialady.
