Búgin QR Densaýlyq saqtaý ministri Aleksei Tsoi halyq aldynda esep berý kezdesýinde vedomstvo aldyndaǵy negizdi mindetterdi atady, dep habarlaidy QazAqparat.
«Memleket basshysynyń tapsyrmalaryna sáikes jáne eldiń densaýlyq saqtaý júiesi tap bolǵan syn-qaterlerdi eskere otyryp, biz Ministrlik qyzmetiniń negizgi basymdyqtaryn qalyptastyrdyq», - dedi ministr Ortalyq klommýnikatsiialar qyzmetinde.
Osy oraida:
- MÁMS aiasynda halyqqa meditsinalyq qyzmet kórsetý sapasyn arttyrý boiynsha jumysty kúsheitý;
- alǵashqy meditsinalyq kómekti uiymdastyrý tásilderin túbegeili qaita qaraý;
- kólik meditsinasyn kúsheitý;
- barlyq óńirlerde iri zamanaýi aýrýhanalar, sondai-aq infektsiialyq statsionarlar salý;
- aýyl turǵyndaryn feldsherlik-akýsherlik pýnkttermen jáne dárigerlik ambýlatoriialarmen qamtamasyz etý;
- meditsina qyzmetkerleriniń jalaqysyn kóterý;
- meditsinalyq uiymdardy kadrlyq resýrstarmen qamtamasyz etýdiń 10 jyldyq boljamyn qalyptastyrý;
- meditsinalyq jáne farmatsevtikalyq ónerkásipti damytý eskerilgen.
