Densaýlyq saqtaý ministri Aleksei Tsoi alǵashqylardyń biri bolyp tumaýǵa qarsy vaktsina saldyrdy, dep habarlaidy "Ult aqparat".
"Men tumaýǵa qarsy vaktsinany jyl saiyn salýǵa tyrysamyn. Bir ret dál osy vaktsinatsiia kezinde resperatorlyq aýrýǵa shaldyǵyp qaldym. Negizi, jyl saiyn osy №6 emhanada ekpe alyp otyramyn. Ózimdi oidaǵydai sezinemin. Aýyrsaq ta, aýrý jeńil ótedi. Oǵan qosa, barlyq meditsina qyzmetkeri vaktsina alýǵa mindetti.
Jylda kúz kelgende JRVI men tumaý órshidi. 2019-2020 jylǵy epidemiologiialyq maýsymda JRVI-men aýyrǵan 431 120 adam tirkeldi. Onyń ishinde 2.5 myńnan astam naýqas zerthanalyq anyqtalǵan tumaýǵa shaldyqqan. Onyń 284 033-i nemese 61,4 paiyzy 14 jasqa tolmaǵan balalar. Biyl halyqty vaktsinatsiialaý asa qajet. Óitkeni koronavirýs indeti kezinde tumaý da órshýi múmkin. Sol kezde eldegi jaǵdaidy turaqtandyrý qiyn bolady. Sondyqtan biyl elimizde vaktsinany jyldaǵydan eki apta buryn bastadyq. Qazaqstan qaýipsiz, tiisti zerthanalyq synaqtardan jáne baqylaýdan ótken sapaly vaktsina satyp alǵanyn kórsetý úshin ózim birinshi bolyp ekpe saldyrdym", - dedi Tsoi jýrnalisterge bergen suhbatynda.
Ministrdiń aitýynsha, biyl koronavirýsqa bailanysty tumaýǵa qarsy vaktsinatsiia eki apta buryn bastalyp otyr. Mektep oqýshylary, júkti áielder, sozylmaly aýrýy bar jáne 60 jastan asqandar ekpeni tegin alady. Qalǵan adamdar úshin vaktsina aqyly bolady. Onyń baǵasy - 2 500-4 000 teńge.
"Balaǵa alty aidan bastap vaktsina salyna beredi. Bul ekpe qaýipsiz. Biz onyń sapasy men qaýipsizdigin tekserip shyqtyq. Halyqaralyq uiymdardyń nusqaýlary da bar. Oǵan qosa, bul vaktsinany birinshi ret qoldanyp jatqan joqpyz. Buǵan deiin de salyndy", - dep atap kórsetti Tsoi.
Aita keteiik, biyl elimizde egý naýqany 15 qyrkúiek pen 15 qarasha aralyǵynda ótedi. Biryńǵai destribiýter halyqtyń 10 paiyzdan astamyn tegin vaktsinatsiialaý úshin Reseide óndirilgen «Grippol+» vaktsinasynyń 2 millionnan astam dozasyn satyp alǵan.
