دەنساۋلىق ساقتاۋ مينيسترٸ الەكسەي تسوي العاشقىلاردىڭ بٸرٸ بولىپ تۇماۋعا قارسى ۆاكتسينا سالدىردى, دەپ حابارلايدى "ۇلت اقپارات".
"مەن تۇماۋعا قارسى ۆاكتسينانى جىل سايىن سالۋعا تىرىسامىن. بٸر رەت دەل وسى ۆاكتسيناتسييا كەزٸندە رەسپەراتورلىق اۋرۋعا شالدىعىپ قالدىم. نەگٸزٸ, جىل سايىن وسى №6 ەمحانادا ەكپە الىپ وتىرامىن. ٶزٸمدٸ ويداعىداي سەزٸنەمٸن. اۋىرساق تا, اۋرۋ جەڭٸل ٶتەدٸ. وعان قوسا, بارلىق مەديتسينا قىزمەتكەرٸ ۆاكتسينا الۋعا مٸندەتتٸ.
جىلدا كٷز كەلگەندە جرۆي مەن تۇماۋ ٶرشيدٸ. 2019-2020 جىلعى ەپيدەميولوگييالىق ماۋسىمدا جرۆي-مەن اۋىرعان 431 120 ادام تٸركەلدٸ. ونىڭ ٸشٸندە 2.5 مىڭنان استام ناۋقاس زەرتحانالىق انىقتالعان تۇماۋعا شالدىققان. ونىڭ 284 033-ٸ نەمەسە 61,4 پايىزى 14 جاسقا تولماعان بالالار. بيىل حالىقتى ۆاكتسيناتسييالاۋ اسا قاجەت. ٶيتكەنٸ كوروناۆيرۋس ٸندەتٸ كەزٸندە تۇماۋ دا ٶرشۋٸ مٷمكٸن. سول كەزدە ەلدەگٸ جاعدايدى تۇراقتاندىرۋ قيىن بولادى. سوندىقتان بيىل ەلٸمٸزدە ۆاكتسينانى جىلداعىدان ەكٸ اپتا بۇرىن باستادىق. قازاقستان قاۋٸپسٸز, تيٸستٸ زەرتحانالىق سىناقتاردان جەنە باقىلاۋدان ٶتكەن ساپالى ۆاكتسينا ساتىپ العانىن كٶرسەتۋ ٷشٸن ٶزٸم بٸرٸنشٸ بولىپ ەكپە سالدىردىم", - دەدٸ تسوي جۋرناليستەرگە بەرگەن سۇحباتىندا.
مينيستردٸڭ ايتۋىنشا, بيىل كوروناۆيرۋسقا بايلانىستى تۇماۋعا قارسى ۆاكتسيناتسييا ەكٸ اپتا بۇرىن باستالىپ وتىر. مەكتەپ وقۋشىلارى, جٷكتٸ ەيەلدەر, سوزىلمالى اۋرۋى بار جەنە 60 جاستان اسقاندار ەكپەنٸ تەگٸن الادى. قالعان ادامدار ٷشٸن ۆاكتسينا اقىلى بولادى. ونىڭ باعاسى - 2 500-4 000 تەڭگە.
"بالاعا التى ايدان باستاپ ۆاكتسينا سالىنا بەرەدٸ. بۇل ەكپە قاۋٸپسٸز. بٸز ونىڭ ساپاسى مەن قاۋٸپسٸزدٸگٸن تەكسەرٸپ شىقتىق. حالىقارالىق ۇيىمداردىڭ نۇسقاۋلارى دا بار. وعان قوسا, بۇل ۆاكتسينانى بٸرٸنشٸ رەت قولدانىپ جاتقان جوقپىز. بۇعان دەيٸن دە سالىندى", - دەپ اتاپ كٶرسەتتٸ تسوي.
ايتا كەتەيٸك, بيىل ەلٸمٸزدە ەگۋ ناۋقانى 15 قىركٷيەك پەن 15 قاراشا ارالىعىندا ٶتەدٸ. بٸرىڭعاي دەستريبيۋتەر حالىقتىڭ 10 پايىزدان استامىن تەگٸن ۆاكتسيناتسييالاۋ ٷشٸن رەسەيدە ٶندٸرٸلگەن «گريپپول+» ۆاكتسيناسىنىڭ 2 ميلليوننان استام دوزاسىن ساتىپ العان.
