Densaýlyq saqtaý ministri Aleksei Tsoi koronavirýsqa qarsy vaktsinany ektirýge daiyn. Bul týraly QR Densaýlyq saqtaý ministrliginiń resmi ókili Baǵdat Qojahmetov aitty, dep habarlaidy "Ult aqparat".
Ortalyq kommýnikatsiialar qyzmetindegi baspasóz máslihatynda «koronavirýsqa qarsy daiyndalyp jatqan Qazaqstandaǵy vaktsinanyń klinikalyq synaǵyna Densaýlyq saqtaý ministrliginiń sheneýnikteri qatysyp jatyr ma? Vaktsinalaý kezinde ministr Aleksei Tsoi ózine ekpe saldyra ma?» degen saýaldar qoiyldy.
Óz kezeginde B. Qojahmetov osy máseleni ministrmen talqylaǵanyn atap ótti.
«Vaktsinanyń daiyn bolýy úshin tiisti merzimdi kútý kerek, jarty jyldan kem emes. Vaktsina barlyq halyqaralyq sertifikattaýdan ótkennen keiin, ministr ekpeni qabyldaýǵa daiyn ekenin aitty. Ol densaýlyq saqtaý júiesiniń qyzmetkeri bolǵandyqtan, ekpeni aqysyz túrde alady. Densaýlyq saqtaý júiesiniń qyzmetkerleri 200 myńnan astam, olar táýekel tobyna enip otyr», - dedi resmi ókil.
«Al onyń (ministrdiń) otbasyna jáne kez kelgen meditsina qyzmetkeriniń otbasy músheleri vaktsinany óziniń qarjysyna satyp alady», - dedi ol.
