دەنساۋلىق ساقتاۋ مينيسترٸ الەكسەي تسوي كوروناۆيرۋسقا قارسى ۆاكتسينانى ەكتٸرۋگە دايىن. بۇل تۋرالى قر دەنساۋلىق ساقتاۋ مينيسترلٸگٸنٸڭ رەسمي ٶكٸلٸ باعدات قوجاحمەتوۆ ايتتى, دەپ حابارلايدى "ۇلت اقپارات".
ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا «كوروناۆيرۋسقا قارسى دايىندالىپ جاتقان قازاقستانداعى ۆاكتسينانىڭ كلينيكالىق سىناعىنا دەنساۋلىق ساقتاۋ مينيسترلٸگٸنٸڭ شەنەۋنٸكتەرٸ قاتىسىپ جاتىر ما? ۆاكتسينالاۋ كەزٸندە مينيستر الەكسەي تسوي ٶزٸنە ەكپە سالدىرا ما?» دەگەن ساۋالدار قويىلدى.
ٶز كەزەگٸندە ب. قوجاحمەتوۆ وسى مەسەلەنٸ مينيسترمەن تالقىلاعانىن اتاپ ٶتتٸ.
«ۆاكتسينانىڭ دايىن بولۋى ٷشٸن تيٸستٸ مەرزٸمدٸ كٷتۋ كەرەك, جارتى جىلدان كەم ەمەس. ۆاكتسينا بارلىق حالىقارالىق سەرتيفيكاتتاۋدان ٶتكەننەن كەيٸن, مينيستر ەكپەنٸ قابىلداۋعا دايىن ەكەنٸن ايتتى. ول دەنساۋلىق ساقتاۋ جٷيەسٸنٸڭ قىزمەتكەرٸ بولعاندىقتان, ەكپەنٸ اقىسىز تٷردە الادى. دەنساۋلىق ساقتاۋ جٷيەسٸنٸڭ قىزمەتكەرلەرٸ 200 مىڭنان استام, ولار تەۋەكەل توبىنا ەنٸپ وتىر», - دەدٸ رەسمي ٶكٸل.
«ال ونىڭ (مينيستردٸڭ) وتباسىنا جەنە كەز كەلگەن مەديتسينا قىزمەتكەرٸنٸڭ وتباسى مٷشەلەرٸ ۆاكتسينانى ٶزٸنٸڭ قارجىسىنا ساتىپ الادى», - دەدٸ ول.
